اكعد يا بخت ماظل وكت للشوك
ثلثين العمر سهران كضيته
اتنطر ترد ساعة محنه بيوم
من كد الفرك جف ايدي دميته
عشت بلا كلب من يوم صار وداع
جي لمن مشت بالجنطه خليته
بلكت من تشوفه ترد علي بساع
وتشوف الجرح وتكلي داويته
مل مني الدرب من الركن للبيت
اسحل بالجدم نهران سويته
وعيوني رسم بالراس مرسومات
جي شلت النظر بالباب دكيته
وحكي من انتظر مو هيه ياهو الجان
ام شفه علج ولسان جكليته

بقلمي
محمد عبود العبودي

للرحيل سهام متلاطمة تنهش الارواح بــ
شجون
وعواطف
وشوق

مشاعر مدفونة تحررت على السطور
واجترار للألم مقيت غفا على الحروف

اسجل حضوري المتواضع عزيزي
على وقع ترنيمة ألمك ,,,, وارحل

ابدعت كما العادة
شكرا للعبودي ولإحساسه العذب

العبودي حياك الله لروعة تلك السطور الموجعة والمعبرة عن الم قابع بين الضلوع
ننتظر جديدك دوما
الف تحية لك

محمد عبود العبودي
عندما امر بحروفك تتملكني الرغبه في الكتابه
رائع انت وعلى الدوام اخي الكريم بكل ما يخطه قلمك
تقبل مروري المتواضع
وتحيتي لك