علي الوكت عالي الزود يراف
شكَـ شباج حلمي وعيب يراف
يكَولون الجفن بالعين يراف
تحزم لليجيك وليه تهيه
اجابني راهب سامي شياع المنصوري
النفل بالضيج كَلبه ما يرفله
صبور وروج كل هم ما يرفله
بغير الوان للشك مايرفله
ولا من فاه يندان بقضيه

اذا وكتك قسه وياك خله
ابقى وي التحبه دوم خله
العزيز ايعوفلك بالكلب خله
والباقي سهل عكب المنيه

تحياتي لهذا الحوار الرائع
ايها الغالي امتعتنا هنا بهذه
المجارات بينكم بالابوذيه
تحياتي يالغالي

محاوره حلوه تسلم الايادي المنصوري

خل يردف عليه الوكت خله
ولو من الدليل انباكَـ خله
الحمد لله ما بينت خله
لأن بيكم اشد حزام اليه
الف تحيه للاخ ابو ليث

الف شكر عمي ابو حيدر المحترم
لكن عندي رأي وارجو ان تجاوبني عليه
جاي احس المنتدى اصبح بي نوع من البرود
يعني ما كو واهس او دافع حتى اكتب بي
مع الاسف ما كو تواصل
مو مسألت الردود هواي لو قليل لان هاي ابداً
ما تقيم الشاعر ولو آنه هاوي مقارنةً بيكم
بس حتى كتاباتكم ما جاي اشوف بيها تواصل من الاخرين وياكم وبعض الاحيان تلكَه كتابات مو بالمستوى المطلوب يصعدونها فوكَـ الثريا
فما اعرف آنه غلطان وبوحدي احس هذا الاحساس لو هم انته تأيد رأيي

النفل من ترتخي احماله بندها
ويشكَ من هدمه لو عايز بندها
ندها اوشوف شيردلك بندها
جسر امتد الك واعبر عليه
تحيه من القلب الى القلب
من هدار المنصوري الى اخي عادل المنصوري واخي راهب المنصوري

ازهيري حلو وخاصة بالمحاوره

ما شاء الله عليكم وتسلم اقلامكم المنتجه للابداع

تقبلوا مروري مع اطيب تحياتي 0

عاشت ايدك عزيزي
ابوذية رائعة ومحاورة جميلة
سلم لنا هذا الابداع والإحساس

اطيب التحايا لك ولمدادك الراقي

مع تحياتي لك