من تكتب على الحيطان مشتاق
لاتكتب على الاوراق ناسي
ولو مرك حزن با لروح فد يوم
تعرف حيل انت وياي قاسي
ناسي ونستك ايام الفراك
وبفراكك شيب انترس راسي
من تفتح اعيونك على الشيبات
ترى شيبك ترس لذة احساسي
يشجرة ياس ربيتها من اسنين
اتاني اهواي شو مايطك ياسي
اذا كاسك خمر لتشربه ودوخ
شربت اشكثر من كاسك وكاسي
تدري اشوكت بيه احساسك ايكون
من تشهك انفاسك بلا انفاسي
اجراسك تدك بس يوم الافراح
وانه بصوت الحزن دكت اجراسي
يلساسك رمل وتهدمه الامواج
ماريد الگلب يمك يبقى راسي
مثل طبع السفينه تعاند الروج
وانت تريد نرجع للمراسي

الشاعر
عقيل كريم الشويلي
:66 (46)::66 (46): 19-11-2010

صح لسانك اخي الكريم وحياك الله في منتديات الفرات
وبانتظار جديدك المميز
تقبل مروري
وتحيتي لك

الشاعر المبدع الشويلي
لقد اطربتنا بتلك القصيدة النازفة دام بوحك
شكرا لك على هذا الابداع واتمنى لك التالق

صح لسانك وعاش قلمك يامبدع الاحساس كلمات في قمة الروعة تحياتي لك

يعجز آلقلم على آلآطرآء
ويعجز آلنبض عن آلتعبير بمآ كتبتِ وبمآ طرحت
قلائد تقدير لروحك
وطبت بنقاء

شكرا لمرورك اخي ومنك تزداد كتاباتنا ياايها المبدع يونس الجبوري

استاذي المتالق يحيى الحميداوي شكرا لمرورك مع تحياتي

شكرا لك يا فاتن وهيب يااختي وشكرا على اطرائك الجميل مع تحياتي

امير الربيعي يعجز اللسان عن الرد انا اشكرك على كلامك الراقي يامبدع تقبل تحياتي