اليوم راح اوكلكم مصموطه عراقيه من الاهوار

العنصر الوحيد والمهم فيها السمك النهري

يجب ان تكون هناك كميه سمك جاف ومملح

يفضل ان يكون من ( البياح أو الشلگ ابو عليوي )

ينقع السمك لفترة نصف ساعه بماء فاتر

تفتح كل سمكه الى نصفين

توضع كميه من الزيت مع البصل في القدر

وتوضع كمية السمك عليها

بعد التقليب تغطى بالماء تضاف البهارات الحاره

ويفضل الكاري ونومي بصره حبتين وملعقتي ملح

المسموطه من اسمها تسمط اللسان والشفتين

ملوحه وحراره تفضل هذه الاكله بالصيف ما اعرف السبب

واللي يريد هسه يجربها بس على مسؤوليته

وألف عافيه مقدما

ملاحظه : اللي ضغطه مرتفع لايجرب

مايلحك عليه شيت او شيتين حبوب

گبل للنجف والى رحمة الله

هههههههههه
اختي العزيزة جزيل الشكر والامتنان على الأكلة الرائعة
ومبينة أكلة اتشهي واتخبل مدام بية السمك البحري عضو اساسي
عاشت الايادي والله
تحياتي الك ولموضوعك الرائع

مسموطه وملوحه دمار شامل

شكرا وتسلمين يا ورده

عاشت ايدج على هذه الطريقة
اكيد طعمها طيب مادامت سمك ومالحة وبيهه فلفل فأنا من عشاق الاثنين

بس حسافة عندي ضغط يعني ماتنفعني هههههههههههه

اطيب تحياتي لك وللطبق المميز

عاشت ايدج سهام على هلموضوع المصموط ههههههههههههههههههههه
نجربها نشوفها بلكي طيبه
تقبلي مروري

مشكورة وعاشت ايديج بصراحة اناكلش احب المصموطة وخاصة اول يوم عيد الفطر المبارك

يسلمو شكلها اكله لذيذه
تحياتي

شكرا لك اخت سهام اكلة عراقية بحتة ومعروفة
بس ل لعلم انة ما اكلها ما اعر ف ليش
مع العلم اني احب السمك
تحياتي لك ولجهدك الر ائع

والله يابه المصموطه هاي

اكله شائعه بجنوب العراق

ومطلوبه جدا ايام الصيف

شكرا لمروركم

ههههههههههههههههههههههههههههههههه
ياويلي مصموطه حته وحده ؟؟؟ هههههههههههههه
اني اعرف اطبخها بس مااكلها مااحبها
بس ابويه الله ينطيه العافيه ويطول بعمره يموووووووووت عليها
لذلك نطبخها علموده
الف شكر ياورده
بأنتظار الجديد دائما
مودتي

ههههههههههههه
المصموطه ...
كنت في اول أيام عيد الفطر
في البصره وبالتحديد في منطقة ابو الخصيب
وشفت شيء جميل جدا ..كبير الحي يدعوا
كل رجال الحي ..على الفطور صباح اول ايام العيد
وطبعا الوليمه تتكون من المصموطه المتبله بالفلفل الحار
وطبعا يبقون يوم كامل لا يستطيعون الاكل (شبعانين ) هههههههه..
شكرا ...تحياتي واحتراماتي

هههههههههههههههههه
المسموطة مشهورة في العراق
لكن قليل من ياكلها هذه الايام

اكيد اكله طيبه مثل اهله الطيبين ومثل دمج العسل