اكص جدمي لون يمشي ..... ورمشاك
ولكَيت عيون يا عينك......... ورمشاك
بعد شيصير وك بيه ............ورمشاك
بدليلي ويصعب التشخيص اليه

*********************************
تمعن زين وحفظ ........نصي كتلك
واذا تعله المشاكل ......نصي كتلك
خذت مني النوايب ......نصي كتلك
شتضن نصي البقه شينفع اليه

*********************************

احس بالريج طمعك .....من صبانه
وشبج والله بدربكم ..... من صبانه
الحسد مشكور سهمه ..من صبانه
طبكَنه اثنينه بقالب سويه

*********************************

اليضدك يعني ضدي.... وابره منه
وحبل ودك افتله .......وابره منه
مثل قاط وتفصل .......وابره منه
درز قاطيين أخيطنك عليه

*********************************
بسبب واشي افتركَنه .....وشتمرنه
وي جم صيف التعده...... وشتمرنه
بعد يمنه شيجيبك ........وشتمرنه
اذا مريت يعني اتعم عليه

********************************

الي رب العدل يحكم .......والك رب
وانا بجود الصبر ماي.... والك رب
صبي العين الك شابح ....والك راب
واصبر الروح بصوره البديه

*******************************
انا مسودن صرت بهواك......من جن
ردتك ماردت حلوات ..........من جن
بشر انته لجن مخلوق ........من جن
تلبسني وصبح حاكم عليه
********************************

صبح حاكم عليه......وانا عبده
وبعد رب الخلقني .....انا عبده
بدرب حبنه يخرب ......وانا عبده
يرد ردود يحفرلي بهبيه

******************************

صحيح انته تحبني هواي .....منكر
لجن نوبات عركك علي .......منكر
مثلك ما يحاسب هيج ..........منكر
تحاسبني وترد تحسب عليه

********************************

شكثر جنت اتلوكَـــ ............من ردتني
صعب وياك لاجن .............من ردتني
خذت مني التريده .............ما ردتني
وعلمك من يدور الداس اليه

**********************************

جميل جداً .. ابوذيات رائعه ... تقبل تحياتي واعجابي

السلام عليكم
تعذرني اخي على هذا الجواب الذي ليس مطابق لابوذياتك لاني لا اكتب غزل فتقبل مني هذه الابوذيات
واليلام
حني لزمر ماوه مرمه ليها
وعلي بكارخانه مرمه ليها ( من رمى لها )
روحي اشكثر منهم مر ماليها
طفح منها ويجيل ويحط بيه

علي الهم يجيل ويهز جيله ( الكيل )
لمن طك الدليل وفطر جيله ( المكيال )
النذل متشرغد ومرتاح جي اله
ناب وللكربله يصير حيه

ابوذيات رائعه
ابن العم لاننحرم هذا الابداع
والتالق تحياتي لك
يالغالي الشيخ ابوحيدر
الشويلي

شكراً ابو حيدر على هذا الكلام
اول كلمه من الابوذيه
حطني

تحيه من اعماق قلبي الى كافة الاخوه بمناسبة عيد الاضحى المبارك متمنيا لهم السعاده والسلامه شكرا للجميع الأخوه الذين ردوا على الابوذيات

اسوم الله عليك اوياي دم هل
موده والدمع بجفاك دم هل
يعجل من يخاف الفوت دم هل
اراك ونفذ المحتوم بيه
عاشت يداك اخي العزيز وتقبل مروري