سألني : شكو ماكو .

اجبت : سأجيبك اولاً على الشكو .

اكــــــــــــو

مفخخات .. احزمة ناسفه .. مليشيات من كل الانواع قاعديه .. اسلاميه .. تكفريه ... حراميه ...

اكو فساد اداري ... وتخبط سياسي .. اكو شوارع بدون تبليط .. واكو حفر بكل مكان ومنازل مهدمه ..

اكو شعب تعبان .. مفلس ... ضايع .. مايندل راسه من رجليه ومايعرف باجر شراح يصير .

ماكـــــــــــــــــــــــو

كهرباء .. شغل .. حصه تموينيه ..
ماكو مجاري صرف صحي .. ماكو ماء صالح للشرب ..


ماكو برلمان ... ماكو حكومه ..

قال دوختني ... اختصر


قلت



ماكو .............. ضمير

اكـــــــــــــو ...... ميت



طركاعه

اولاً
اشكرك جزيل الشكر والتقدير على موضوعك الجريح

ثانياً
هذا ليس بجديد عليك اخي طركاعه دائما مبدع في انتقاء الامور التي يعيشها هذا الشعب المظلوم

ثالثاً

سوف نبقى بشكو وماكو دائما


رابعاً
ندعوا من الله العلي القدير ان يرحم هذا الشعب واهله
وان يهدي الحكومة على هل بلد والشعب الفقير
وان يخلصنا من فلان وعلان وزعلان وجوعان وسمنان
وبطران وصخمان
انهُ هو السميع المجيب
وان تتشكل حكومة شريفه من ابناء هذا الشعب المظلوم

تقبل تحياتي وتقديري

اختصرت معاناة ابدية
بكلمتين ,,,,,,,,,, شكو ,, ماكو

وخير الكلام ماقل ودل

كل الشكر لك عزيزي على هذا التفسير الواقعي لحياة شعب مظلوم باتت تتارجح بين

الضمير ,,,,,,,, والموت

وصبرا يــــــــاعراق

مع تحياتي لك

اخي الزير سالم
اختي ام فيصل

جزيل شكري وامتناني لمروركم وتعليقكم على الموضوع .

كونوا بخير دائماً

لكم محبتي واحترامي

انها قصيدة في بيت شعري واحد

انها قصيدة في بيت شعري واحد



شكراً لتواجدك وردك اخ عماد

تقبل تحياتي