أنه احلفت ما اعود الك
صارت عزيزه دموعي
وصدكني ما أتوسلك
ولاارجع بموضوعي
أعرف نهاية قصتك
يكثر انيني ولوعي
وتكثر سواليف الطرف
ويموت نور اشموعي
يمعلم اكليبي السهر
نارك غفت بضلوعي
شكد وشكثر جنت انه الك
ورده وحلم لربوعي
وتهت بسواليفك عمر
مابيه
اتيه الي بقه صار العمر مو طوعي
خليني الحك علبقه
وخل روحي تلحك روحي
وخليني الم جرحي النزف
مابيه اكمل اجروحي
انساني انه اتوسلك
لتكلي انت بروحي
ماتت سوالف عشرتك
وتغيرت كل عشرتك
ما اقبك بحبك ابد حبك
نسفلي اصروحي
لاتمد ايدك تعتذر
مااقبل الغدرك عذر مجنون جنت اتحملك
ياواهسي اشعندي صبر
لكن بعد ماكو صبر
لف كل سواليفك جذب
وارحل وشوف الي غدر
خليني اعيش الي بقه
واحلم حلم مابه قهر
خليني ادز بوسة فرح
وتناغه سكته وي الكمر
خليني اعيش بلا حزن
مرة بحياتي بلا حزن
يعني الحزن عندي قدر
خليني من ذاك السهر
مارجع ابوضوعي
صدكني يلبعت الكلب
صارت عزيزه ادموعي



الشاعر
يحيى الحميداوي

يحيى الحميداوي

احسنت وتسلم ايدك وقلمك

من ابداع الى ابداع

وتقبل تحياتي يا مبدع 0

احسنت الغالي
الحميداوي قصيده رائعه
احسنت دام ابداعك قافيه وصور
كونتها ببراعه وسترسال رائع
دمت بخير
يالغالي

الله ياحبيبي...
على هذه القصيدة الرائعه كم افتقر الادب العامي
الى الكتابه في هذا الوزن الرائع.المجرشه ..
ابدعت ..ياحبيبي .

مشاركه جميله يعطيك العافيه
تحيتي لك

جميل جدا يايحيى
صح لسانك يامبدع

لكم مني الف تحية اشكر الجميع على التشجيع المستمر مع تقديري لكم ايها المبدعون

قصيدة رائعه وكلمات رقيقه على الرغم ما فيها من اسى والم
اخي العزيز بوح جميل
ننتظر جديدك
تحياتي

شكرا لكم لمروركم الجميل ايها المبدعون تحياتي