يحيى الحميداوي
23-10-2010, 07:48 PM
الى مدينتي التي هجرتها رغم حبي لها احن كل يوم مدينة الشعر والشعراء الناصريه........
حلوة ادري وكل جمال الكون بيها
وادري شفتها عسل نكط عليها
وادري ورد الجوري دمها........
ولمست القداح ..........اديها
وتدري بيه وادري بيها
تدري مافارك يهزني الشوك
موت واحن كل لحظه الحجيها
ويلي ياعكد الهوى بعده الهوى
ايمربيك بعده
وبعدقيثارة غناك تعزف بكل همسه ورده
وبعده داخل.......بعده صوت حسين نعمه
بعد بيك الشوك بس الشوك وحده
اشلون ياماي وحسرتي ومستحاي
وخوفي لو طالت الوحده
اشلون يم ازلوف حلوة ......
حارت اصوات الجناجل .....
يمنه صوتج ماتعده
مري بيدج علصرايف
علدرابين العتيجه
وعلروازين الغفت تتنه الموده
ومري بيدج كلبي يمج مري بيه
وشوفي كم سالوفه عنده
يكلج انه بشوكي ميت واشتهيج
وشوفي عمري اشكثر عده
اه ياريحة ابوي ومستحه امي
اه ياجورة كبل راسين تجمعهم مخده
الشاعر
يحيى الحميداوي
حلوة ادري وكل جمال الكون بيها
وادري شفتها عسل نكط عليها
وادري ورد الجوري دمها........
ولمست القداح ..........اديها
وتدري بيه وادري بيها
تدري مافارك يهزني الشوك
موت واحن كل لحظه الحجيها
ويلي ياعكد الهوى بعده الهوى
ايمربيك بعده
وبعدقيثارة غناك تعزف بكل همسه ورده
وبعده داخل.......بعده صوت حسين نعمه
بعد بيك الشوك بس الشوك وحده
اشلون ياماي وحسرتي ومستحاي
وخوفي لو طالت الوحده
اشلون يم ازلوف حلوة ......
حارت اصوات الجناجل .....
يمنه صوتج ماتعده
مري بيدج علصرايف
علدرابين العتيجه
وعلروازين الغفت تتنه الموده
ومري بيدج كلبي يمج مري بيه
وشوفي كم سالوفه عنده
يكلج انه بشوكي ميت واشتهيج
وشوفي عمري اشكثر عده
اه ياريحة ابوي ومستحه امي
اه ياجورة كبل راسين تجمعهم مخده
الشاعر
يحيى الحميداوي