عله انقاض الدمع
رممنه الخدود
وواعدنه الضحك بس ما لگانه

ماندري الفرح بس لهل القصور
لذلك يعتذر مامر واجانه

وما ندري السبب
لو بينه لو بيك
وضّح يا زمن وبكل امانه

مسجون الصدگ گدام العيون
والچذاّب شو طالق عنانه

يعني احــنه غلط
چه فقره والعوز!
مثل ظلنه صفه يركض ورانه

لو يمكن قــــــدر نرهم عالاحزان
وصاغنه الدمع حد ما عمانه

ومن فضلك بعد نحتاج تبرير
ليش الطيبه محسوبه مهانه ؟!

نلزم سيف حتى انصير وياك ؟؟
ونعوف الورد غافي بمكانه

ونلغيه المشاعر والاحاسيس
واذا فز الضمير انسد اذانه !؟

ومانحچي بعد مثل التماثيل
ويخون البشر گلبه ابلسنه

عذابك يازمن
بس گول لي وين
تعبانين من يوم اللفانه

ونسأل يا هلي ليش المعانات
في قاموسكم توجد خيانه ؟!

من عدكم عرفنه
الطيبه والخير
چاليش الزمن قاسي معانه ؟؟

نرجع للدمـــــــع ونبيع الانقاض
وكالعاده الحزن صفقه اشترانه

وشكراً للدمـــــع بس هو وفـّـاي
شريف ومانكر اصله ونسانه

انتقاء مميز لتلك الابيات تحمل واقع حال نعيشه للاسف
تسلمين عزيزتي سرووو
تمنياتي لك بالابداع دوما
تحياتي

الله ماجمل هذا الابداع
اقف خجلاً امامه وكانه
لسان حال يحاكي الضمير
والوجدان
شكر للانتقاء
يالغاليه
تقبلي مروري

انتقاء مميز لتلك الابيات تحمل واقع حال نعيشه للاسف

تسلمين عزيزتي سرووو
تمنياتي لك بالابداع دوما

تحياتي


اشكرج عزيزتي على هذا المرور
واشكرج لانج حذفتي المكرر لان ما اعرف شلون التحميل لعب عليه
تحياتي لكي

عله انقاض الدمع
رممنه الخدود
وواعدنه الضحك بس ما لگانه...

الله جميل جدا هذا الانتقاء
عشتي وعاشت الذائقه الاجمل..شوك

لا تعليق الصمت في حرم الجمال من الفضائل
تحيتي لك

ذوق جميل ياسرور
عاشت الانامل