ما اضن بالبشر مثلي من صدك لو راد يهوه

وما اضن يشبهني واحد لو عشك يعشك ابقوه

انه كلبي اعشكه واضح لان عندي العشك سلوه

وانه حبي دومه صافي ابد ما خبطته النزوه

لذا ولفي ارد اخبره مقعد ابكلبي ايتبوه

وارد اصيح ابعالي حسي بهالعشك شفت انه نشوه

وارد اكله انه احبك وانته الي يا ولفي ادوه

وارد اكله اجروحي تشفه من تمر عالبال طروه

وارد اكله والله احبك والله احبك هيه كوه

لان كل ليله امنذكرك للصبح ابقه اتلوه

ولان عيني من اسولف بيك تبجي منتفوه

ولان كلبي من يشاهد صورتك منعدها يروه

ولان فكري ما يعوفك بيك بس الفكره حلوه

انته محبوبي وحياتي وبعدك الدنيه متسوه

انته شجرة عشك خضره دوم ما عرفت القسوه

وانته نور العيني واقسم من ضيائك ماكو اضوه

والله احبك وابقه احبك لو اطيح ابميت بلوه

والله احبك وبقه انه لجلك بنار اتجوه

والله احبك ورضه اموتن وانذر بكل عالي اهوه

ولو خوت دنياي مني من غرامك ماضن اخوه

ارضه اهلك ارضه اضيعن كلها الي من هجرك اشوه

ارجوك لا تتركني احلفك بالنبي ادم وحوه

حيل انه احبك والكلب بس حبك انوه

اي وحق عترت محمد غير شخصك ماني اهوه
---------------------
لكريم السيد..

كلمات رائعه من عضو رائع ومبدع
عاشت الايادي على النقل
ربي يحفظك ويخليك
تحياتي

عاشت ايدك بداية على النقل الرائع
وصح لسان شاعرها كريم السيد
كانت بحق مشاركه يعجز اللسان عن احتواء جمالها
شكرا لك اخي الكريم
تقبل مروري
وتحيتي لك

كلمات في غايه الروعة عاشت ايد شاعرها كريم السيد وسلمت يد ناقلها شوك المبدع مع تحياتي