عمار الوائلي

سولفيلي



كفاك سكوت , افتحي اسرار الحزن فانا مثلك سيدتي ,عراقي



سولفيلي
سولفيلي .. ياعراقيه الدمع .. مافات _وكته
سولفيلي .. ولا تخافين اعله صبري .. انا تيزاب القهر قبلج شربته
يلحسرتج ...كسرت بيبان قلبي ودفنت ابجرحه القديم احلام ميته
يلبجيتي
وطكن عيونج بحر
فاض وعبرني وانا حاولت اشكثر . بس ماعبرته
ماكو سر فات اعله عمري وماكشفته
وانتي سرج عجزاني .. عرف كل اسرار روحي ..وماعرفته
سولفيلي
سولفيلي وذبي ضيمج فوق قلبي
انا مدمن عل عذاب وافتره لوزاد تعبي
يلي بعيونج تصاوير العراق وحزن شعبي
انا هم مثلج عراقي ودرب المتيهين_دربي
انا هم مثلج شكيت الموت غربه وما سمع شكواي ربي
سولفيلي وحلي الغاز الطلاسم والرموز السومريه
انا من كثر المصايب مابقت افكار بيه
راحه تعبج ياحبيبه لروحي ومابيه اذيه
سولفيلي
وخل تعذبني السوالف بلكي اموت ابهل المسيه
هلبت اكسر خاطر الله ويلتفتلي ابفد منيه حلمي
حلمي اموتن بين اديج وتنزل ادموعج عليه

انتقاء مميز لتلك القصيدة الجميله
وتنقل للقسم الشعر الشعبي
تمنياتي لك بالاموفقيه والابداع دوما
تحياتي

الله الله احسنت اخي ماأجمل هذه
الورود التي نثرتها في هذه الصفحه
تقبل مروري يالغالي

شكرا للنقل المميز ويرجى عدم نشر روابط لاي موقع في المستقبل تجنبا للحذف
تم حذف رابط الموقع بالوقت الحاضر ساكتفي بهذا الاجراء فقط
ارجو ملاحظة ذلك مستقبلا مع التقدير
تحيتي لك

الله يسعدني بان ارد على هذه المشاركه
لطالما اثار انتباهي هذا الشاعر الجميل..مع ودي

ومااجملها من سوالف
تحياتي

شكرا قصيدة رائغة
واضنها لاتسولفلك بعد