المساعد الشخصي الرقمي

مشاهدة النسخة كاملة : دارمي في بيت شعر



فاتن وهيب شاعرة المنتدى
23-09-2010, 11:33 AM
وهي عباره عن بيت شعر واحد بكلمات شعبيه بسيطه ...بس معبره
ينتهي الصدر والعجز بقافيه واحده
اتمنى ان تنال الاعجاب

اكعـــــــد واسولف بيك واتمنى اشوفك *** وشما عملت وياي لاتظن اعوفك

اصفن واحاجي الروح وين احنا جنا ***هم ترجع الايام ويلتم شملنا

جتفت روحي جتاف حسبالي تنساك ***من روحي طلعت روح وتكلك اهواك

عالحشر تنشد ليش ماتدري يمتى ***الحشر عندي يصير من تبعد انت

روحي بسرير الموت تنشدني عنك *** وتقل لي ليش هواك متبري منك

لو قلبي لحظه وياك خان بمعزته *** ازرعله ست عبوات واشعل صفحته


ليش انت وياي دوم ماعندك انصاف ***قلبك صخر جلمود من الله ماتخاف

من دجله اريد ارويك ومن ماي العيون ***كول وبعد شتريد هم آني ممنون

يمتى الغيوم تزول عن سما بلادي *** وآخذ نفس وارتاح وانزع سوادي

خاف الله يالمريت ما كلمتني*** ليتك حجيت وياي لو شتمتني

خلت القلب ينساك ساعات الفراك***ثاري ال*** جذاب بس شافك اشتاق

متعجبه هالنسوان براغب علامه *** داخل حسن يسواه ويسوى عمامه

للامانة منقول مع تحياتي

شوك الشفايف
23-09-2010, 01:58 PM
خاف الله يالمريت ما كلمتني*** ليتك حجيت وياي لو شتمتني
الله الله ...
اكعـــــــد واسولف بيك واتمنى اشوفك *** وشما عملت وياي لاتظن اعوفك

جميل يا روعة ..ولك وافر محبتي.

فاتن وهيب شاعرة المنتدى
23-09-2010, 05:53 PM
شكرا الك وعلى مرورك يالغالي مع تحياتي

فاتن وهيب شاعرة المنتدى
23-09-2010, 06:22 PM
شكرا الك ياناصري منور الصفحة بمرورك تحياتي لك

ام فيصل
24-09-2010, 05:21 AM
عاشت ايدج عزيزتي
اختيار رائع
شكرا لك ولجميل تذوقك
ودام لنا مدادك وتواصلك

كوني بخير دوما
مع تحياتي واطيب امنياتي