أنساك!تحجي صدك؟!!
.....
خسران يالبعدت
ماتلگه مثلي بعد.......
ولاالگه مثلك بشر...
كلشي بغيابك ذبل.........
من عشرتك مابقن بس الدمع والجرح.....
وليلك بعد لايجي....
بعيون الأستبطتك... بيّن درب للصبح
والجرح مومثل امس يتوالم ويّ النزف...
تصدگني ماصدگت
شحلفلك بياجرح؟!!!
گتلك وحگ خنجرك
هسه الجرح يختلف......
هم شايف أنت جرح يحلف براس الرمح!!!.....
هيچي انه جرحي وبعد.....
شايل براسه خلگ يتعارك ويّ الملح.....
وكل هذا وأشتاگ ألك......
وأرسملك عله السمه ليل ومحنّه وشمع
وخليني أسولف دمع....
بس خاف أچذب اذا گتلك ..فراگك سهل...
لاوالله ماينجرع....
وأسرارك تسودنت صارت براسي جبل...
وكلشي بغيابك ذبل.........
چان الدمع من چنت
يرسم أمان وصور.......
هسه الدمع من رحت
كل دمعه خطوة سفر..........
وشيفيدبَعدْالحچي
هوَ الگلب وأنكسر.......
والعين مومثل أمس
تشرب حنان الصور
وعيونك تغيرت خيّط رمشهه السهر.....
وكلشي بغيابك ذبل..
من درت وجهك صدگ
دارت وجهه الشمس....
وماضل خلگ للنده
واهس الورده أنكسر.....
وأنساك!!
تحچي صدگ!!؟...
ولاچنّك انتَ الگبل تجرحني وأنزف ضحك!!!.....
من رحت كلشي أنطفه
بغيبتك حته الگمر
ماسيّر عله الورد.......
ويالعلمتني الدفو....
حته الدفو البلحچي غيّر لهجته البرد....
وآنه وبقايه الصور
تانينه غيرك يجي
بومضه بقصيده بشطر.....
ولامطرت بغيبتك
زعلانه كلهه عَلَي.....
گيعان روحي صبخ
شيسوي بيهه المطر!!!....
يالمدري شنهي چنت!!!
فراشه مدري ورد!!
حته اترف من الترف.....
لاتنسه چفي الگبل
شد رايته عله الزلف .....
وفراگك شگد صلف........
خلاّني بعدك جرح
وانت وضميرك بعد
من تضحك عله النزف....
انت
وضميرك
بعد
من تضحك
عله
النزف....

(http://iraqlion.org/vb/search.php?do=finduser&u=8670&starteronly=1)


منقول
ارجو كتابة عبارة منقول للأمانة الأدبية ومنعا للحذف لاحقا

الله الله الله
نزف جميل جدا
سلم الابداع

جميل وروعه مانثرت حبيبي

http://upload.7bna.com/uploads/d7974bf61f.gif (http://upload.7bna.com)







http://n4hr.com/up/uploads/308f9015a2.gif (http://n4hr.com/up/)

شكرا لك هاني وشكرا لك طالب وشكرا لك يونس مع تمنياتي لكم
بالموفقية والنجاح لدخولكم صفحتي واضافة بعض من لمساتكم الجميله عليها.
.مع ودي

گتلك وحگ خنجرك
هسه الجرح يختلف......
هم شايف أنت جرح يحلف براس الرمح!!!

===============

الله الله
عاشت الأيادي

تسلم يارائع

تصدگني ماصدگت
شحلفلك بياجرح؟!!!
گتلك وحگ خنجرك
هسه الجرح يختلف......
هم شايف أنت جرح يحلف براس الرمح!!!.....
هيچي انه جرحي وبعد.....
شايل براسه خلگ يتعارك ويّ الملح.....
وكل هذا وأشتاگ ألك......



روووعه والی سطرها اروع وربی
لاننحرم من مزیدک یا شوگ
تحیتی وکل احترامی لک

اختيار جميل
وتذوق رائع
شكرا لك عزيزي
ودام لنا هذا العطاء والتواصل

مع تحياتي لك