امس وي طرة الفجر
لو كبل طرة الفجر
المهم ويه صوت الله اكبر
لما اذن للصلاة
صاح جاري الله اكبر
انه حسبالي يصلي
وما دريت بابنه مات
شلون مات ؟؟
وليش مات ؟؟
ويمته مات ؟؟
روحي تسأل وانه صافن
منذهل
مو بالقتل
جنت صافن بالاذان
جامع السنه اليأذن
لو حسينية ربعنه
منهو فز من السبات ؟؟
التمت الناس
اعلى جاري وانه صافن
لو بأيدي جامع الصديق افلشه
واهدم حسينيتي هاي
وأبني مسجد واحد يلم الشتات
مسجد
يحقق حلمنه
ويهدم احلام الطغاة
ونترك الماضي لسبيله
وما نفكر
ليش ذاك انسلب حقه
وهوه اولى
وذاك جان انسان ظالم
والله موجود ويباوع
الله مو مثل القضاة
الله جنه ونار سوه
والله اعلم بالعقاب وبالجزاة
جنت افكر
لو ابوي الله يرحمه
فكر بموضوعي هذا
جان جاري لهسه عايش
ماكو صرخه
ولا رفاة
جاري مات
اي
اي جاري مات
ورحت مثل الناس اركض
شفته عالسجاده راكع
والنحر يجري بغزاره
تكول شاة
وصيحت
وين الحكومه
وين اليدورون سلطه
وينهم
ولد الزناة
وخل يسمعون الجناة
كسروا الام بأبنهه
ويتموا كومة بنات
الحسين بوقته مات
حتى دين الله يثبت
واحنه هسه نموت ونثبت الكراسي
حتى ولد الخايبه
تصبح عبيد
وهم يصفون الولاة
بالنهار ويانه قال المولى
لو قال الرسول
وباليالي الحمره تلكاهم عراة
واحنه راح نرد حفاة
اي نعم
نرجع حفاة
جي بعدنه قماشه بيضه
نمشي ويه الجاوي كصته
ويه ابو السبحه الطويله
اليحجي بس بالمنجزات
وانه اعرف المنجزات
بوك اموال اليتامى
وفتنة الاخ اوي اخوته
وكثرة اعداد الارامل
وحتكار النفط الاسود
والتصدق بالفتات
هاي هيه المنجزات
حرروا شعب العراق
جان بردان بسجونه
وفجروا كل القنابل
حتى لا شعلان يرجع من جديد
ولا تكوم اهل الفرات
حتى مقبرة النجف للحصوه توصل
وبارضهه السنه والشيعه تبات
يمته يخلص هالسبات
المهم
شيعوا جاري لدار حقه
لمقبرة وادي السلام
واني من صبح الله ذاك
واكف واخطب خطبتي
بمقبرة وادي الحياة


بقلمي
محمد عبود العبودي
17\9\2010


بغداد

وحلقة اخرى
من مسلسل العراقي اليومي
والذي اصبح حاله بين المطرقة والسندان

مسلسل أبت حلقاته الى الان ان تنتهي ,,,,,,,,,
ولانعلم هل هناك من نهاية قريبة ؟
لعذابات مواطن
لمناجاة وطن يذبح كل يوم !!!

ملحمة آلمتنا يامحمد
وصورة رسمت ْ وعايشنا تقاطيعها مع كل كلمة اذابتنا بإحساس معاناة العراقي

شكرا لك
ولأحساسك الوطني والعميق
مع تحياتي

محمد عبود العبودي

احساس وطني من انسان مسلم شريف غيور يحب دينه قبل عراقيته
هذه هي الروح التي نتمناها
وهذا هو رأي كل شريف من الشعب العراقي
قصيدتك جزله اخوي محمد واحلى تقييم مني
وفالك الجنه
طال عمرك
تحيتي لك

عاش لسانك يا ابو الغيره العراقيه
والله صح لسانك انت وصفت لنا واقع العراق كله

وهذا دليل على حبك وودك الوطنك
جزاك الله الف خير
قد امتعتنا في هذه القصيده الراقيه

ننتظر منك المزيد يا مبدع
تحياتي لك

اخي المبدع العبودي
تحتار الكلمات وتقف خجلتٌ امام هذا السيل الجارف من المشاعر
التي بصمة بالعشرة انها تحب كل ما هو عراقي
اكتفي بالقول هنيئا لنا وجود مثل هذا القلم الراقي بيننا
خالص تحياتي

اقف اجلالاً امام هذه الكلمات وانحني تواضعا لها .. ما خطته اناملك يستحق الوقوف حقا... بارع في الابداع محمد العبودي .. لك مني اجمل التحايا

الله يا كبير يارائع شكرا..
كم انت جميل

وحلقة اخرى
من مسلسل العراقي اليومي
والذي اصبح حاله بين المطرقة والسندان

مسلسل أبت حلقاته الى الان ان تنتهي ,,,,,,,,,
ولانعلم هل هناك من نهاية قريبة ؟
لعذابات مواطن
لمناجاة وطن يذبح كل يوم !!!

ملحمة آلمتنا يامحمد
وصورة رسمت ْ وعايشنا تقاطيعها مع كل كلمة اذابتنا بإحساس معاناة العراقي

شكرا لك
ولأحساسك الوطني والعميق


مع تحياتي


ام فيصل كان لمرورك
عبق
ملء القصيدق وزادعا
رونقا
تحياتي لك اختي الغاليه
وجل احترامي

الشاعر الرائع محمد عبود العبودي

صوت مدو في اذان الطغاة ... وصور فاضحة للاهثين خلف كراسي الحكم

بلاغة تكتم الانفاس وتحرق القلوب الخافقة بحب الحياة

لك خالص التقدير لقلمك ومدادك المميز

محمد عبود العبودي



احساس وطني من انسان مسلم شريف غيور يحب دينه قبل عراقيته
هذه هي الروح التي نتمناها
وهذا هو رأي كل شريف من الشعب العراقي
قصيدتك جزله اخوي محمد واحلى تقييم مني
وفالك الجنه
طال عمرك


تحيتي لك


شكرا الك يالغالي
للمرور الطيب والكريم
تحيتي لك وجل احترامي

عاش لسانك يا ابو الغيره العراقيه

والله صح لسانك انت وصفت لنا واقع العراق كله

وهذا دليل على حبك وودك الوطنك
جزاك الله الف خير
قد امتعتنا في هذه القصيده الراقيه

ننتظر منك المزيد يا مبدع


تحياتي لك


عراقيه غيوره
اسعدني وجودك في طيات متصفحي
لقد ازداد متصفحي بك هيبه
وبهاء تحياتي وجل احترامي