ولك ها يا گـَلب چنك اله اشتاگيت
مليت اني منه وانت مامليت ؟؟

ميحبك يگلبي شبيگ افهم عاد
نساك الي تحبه وانت ابد مــنسيت

ميفكر بعد ميهمه حالك هاذ
ولاتنزل ابد دمعاته مهما ابچيت

لا تهتم ياگلبي (http://www.iq29.com/vb/t26119.html)وانسه حبه ارجوك
قابل گلبه انته ومني تبريت؟!



اعرفك ذايب وخلصان ميت شوگ

أي بس كابر بعد .. اعرف ولك حنيت

اريدك مثلي مــتبين حزن عيناك
مو هذا اني يمك .. والله هم عانيت

ما اذكر جبرتك .. كافي هذا النوح
انت الجازفت بالحب تره وحبيت

اتحمل نتيجة تعبك المافــــــــاد
وحدك انت وحدك بالجرح ضليت

لاتترجه منه يحبك ويهواك
عافك وحدك وماقدرك من جيت

انسه الصار بيك وخلي اني ارتاح
ياگلبي اتعبت منك تره وجنيت

أموتك حته اخلص ؟ لو اموت شلون؟
أي مو من البچي بدموعي وك غصيت

أغني وچني ماشايل هموم الكون
ليش تصير ضدي وبس حزن غنيت

سويتك صدگ شاعر تحبه الناس
ردتك تنسه بس شو كلشي ماسويت

ضليت بحنانك وبمحبتك ذيچ
بعدك بالحلم عايش فلا فزيت

بعتني وانته گلبي وصرت مثله النوب
تفكر بالنســـــاك وعني اتخليـــــــــت

للامانة منقول

عاشت ايدك عالنقل المميز والرائع اختي فاتن
لاعدمنا ذوقك الرفيع
طال عمرك
تحيتي لك

ملاحظه : تم تعديل عنوان الموضوع من قبلي
من > يا كلبي اشتاكيت < الى يا گلبي اشتاگيت للتناسب والمعنى الحقيقي وشكراً

دائما رائعة أختي فاتن وهيب
حتى فيما تنقلين
قصيدة جميلة و مؤلمة
اشكرك عليها
تقبلي مرور الشرابي

بعتني وانته گلبي وصرت مثله النوب
تفكر بالنســـــاك وعني اتخليـــــــــت




كلام جميل ومعزوفة عتاب بينج وبين كلبج

تحياتي الج وابدعينة بعد وبعد

يسلم قلبك وقلمك
ذائقه بطعم العسل

الله يا كبيرة على هذه الكلمات الجميلة الحلوة
شكرا لك وتقبلي تحياتي..

شكرا الج رناوي الوردة وعلى كلماتج الحلوة

شكرا الك اخويه يونس وعلى مرورك التي يضيف البهجة على صفحتي المتواضعة وشكرا الى جميع الاخوة الذين يزينون صفحتي بكلماتهم وارائهم الجميلة ولكم مني كل المودة والتقدير

عاشت الايادي

وسلمت الانامل

مني لكي كل الود

شكرا لك ياسيد المشايخي لك احترامي وتقديري