سفينة نوح كلبي

*******
سفينة نوح كلبي او كلشي شايل بيه

اوجبحه اويه العواصف كصة اشراعه


ربيته اعله اديه اوعلميته اشكال

اومشيته ابدرب بيه نار لسّاعه
علمته الوكاحه اوعلميته الطيب
اودرسته الرفض والسمع والطاعه
اوكلته صبر كلما تشهه الزاد
واله دافن حدر كل ضلع تجواعه
درفعته ابشرايع طينهن سرياف
حته اوكف واشوف اشلون مطلاعه
كتبته السوالف كلهه خارج قوس
اوسمعته الكلام ابغير سماعه
عودته النطارة اوعرف شنهو الليل
اوسويت السهر من اغرب اطباعه
علمته النخل من تهز جفه الريح
يتنخه بعروكه النابته ابكاعه
اوكتله العاش عمرة اتوسل اويه الناس
مو مثل التكفه ابشمرة اذراعه
اوكتله العوز ذله اوفهم معنى العوز
اوعرف ساعة الذله او وكف الساعه


................
م\ن

ما اروعها تلك الاحاسيس والمشاعر التي انتقيتها لنا ايتها الرائعة والمتألقه
راق لي ما تفضلتِ بطرحه اختي احلام
لاعدمنا هذا التميز
تقبلي مروري
طال عمرك
تحيتي لك

عيون المها
شكرا لذلك الابداع المتلالا
من بين تلك الحروف الذهبيه

الله ما اجمل ما انتقيتي اختي العزيزة
قصيدة جميله ومعناها اكثر من رائع
خالص تحياتي وتقديري

ماأروع هذا الذوق
والاحساس انتقاء
مميز كوني بخير

احسنتي عيون انتقاء رائع