لو خسرتك ما خسرت العمر .. والدنيا متاع ..
وادري اني لوخسرتك ما خسرت.. الاقليل ..


بس فكر زين .. تعرف من خسر فينا .. وضاع ..
وتعرف انك لو تلف الارض .. وتدور بديل ..



والله ان تعجـــز .. ولو لفيت في كل البقاع ..
ولو تسوى وش تسوي ما انت لاقي لي مثيل ..



وين تلقى مثل شخصي شخص .. وطباعي طباع ..
ووين تلقى مثل قلبي قلب .. او مثلي خليل ..



البشر كثير .. نعم .. لكن فرق الانطباع ..
يجعلك يمي تميل .. ويم غيري ماتميل ..



يارفيقي .. انتبه .. واحسن الي الاستماع ..
للمواقف دور في كشف المزيف .. والاصيل ..



وانت ماقصرت فيني موقفك .. جدا شجاع ..
طعنتك في الظهر فعلا كانت اثبات ودليل ..



بيض الله وجهك اللي ساتره تحت القناع ..
ورايتك بيضا معاي وياعسى عمرك طويل ..



يعني اعطيك الثقه وتردها بـ " لوي " الذراع ..
ياخي ماشاءالله عليك ابدعت في رد الجميل ..



مدري كيف اشكرك مدري كيف ارد الصاع صاع ..
كنت احسبك انك عزيز نفس .. تطلع لي ذليل ..



كم وانا عجزت اصدق فيك قدر المستطاع ..
من غبائي كنت اسكت واعذرك .. واثر الحصيل :



جرح قلب .. ميزته في كل يوم الاتساع ..
ودمع عين ينهمر من ضيقتي .. في كل ليل ..



والله اني كنت احبك حب .. واتبعك اتباع ..
كنت لجل ارضي غرورك بس اسوي المستحيل ..



كنت اعمى فيك .. لا لا .. كنت ميت لنخاع ..
كنت مدري كيف ؟ لكن كنت صادق معك حيل ..



كنت امارس في غرامي لك سياسة الانصياع ..
وكنت لاغي معك فكرة اعتزل او استقيل ..



اندفعت بكل مافيني .. وسوء الاندفاع ..
يجبر الانسان احيانا .. يفكر بالرحيل ..



صدمتي فيك انت .. خلتني افكر باقتناع ..
ان قتل النفس راحه لو انا كنت القتيل ..



انفجر راسي من التفكير .. وزاداد الصداع ..
كيف انا بفتك من جرحك ودوشة " قال وقيل "



صرت سيره في حلوق الناس .. وتالي هالضياع ..
" انتحر ؟ معقول ! يالله وش هذا الغليل ؟



رحمتك يارب لا من ضاقت امنحني وساع ..
انت حسبي في زمان الجاير ونعم الوكيل ..



لاغدى " مستقبلي والماضي " اطراف النزاع ..
وصفحة الماضي سواد وشي من هذا القبيل ..



فلازم انسى لجل انهي بداخلي هذا الصراع ..
ولازم اتقوى .. عشان احقق النصر الجليل ..



وطالما ان الهجوم افضل وسيله للدفاع ..
مستحيل ارضخ لو ان الحمل ياربعي ثقيل ..



والبخيل اللي نساني واشترى فيني .. وباع ..
يذلف .. الله لا يرده .. والله بجرحي كفيل ..



وان سأل عني وجاكم بعد فتره انقطاع ..
علموه اني نسيته بس انا ماني بخيل ..



طالما كان السبب في قوتي .. قبل الوداع ..
بلغوه اقل شي بخالص الشكر الجزيل ..







ممـــا راق لي
لكـــــم
مدائن الجــــوري والياسمين

الله جميل جداً
سلمت اناملكي يا مبدعه
وبكل تأكيد راق لنا ما راق لكي انستي

تقبل تحياتي

عزيزتي الوردة الجوريه
قصيدة جميله تحمل جرح قلب طعن بخنجر الخيانة
فنزف بكلمات حزينه لتصف جراحاته
عزيزتي شكرا لهذا الأنتقاء الرائع
خالص تحياتي

كلمات تناثرت تحت زحمة الضغط النفسي الشديد
فيها شكوى مريرة من الاصدقاء بودي انها تكون عابرة في ميزان الموسيقى الشعرية ليكون الاستمتاع بها اشد تحياتي ومن الان لنعد الخطوات المتسارعة نحو النجاح