((جـذابـة))



ماتنفع ادموعج بعد..

طول الدهر لو تبجين!!
جذابة دمعج مو ندم!!

دمع الندم يعمي العين..
جنتي حلم بالنسبة اليّ..

ثوب العفاف أتلبسين..
وردة وشتلتج بالكَلب..

ماادري عوسج تصفين..
طبعج ملاك اتصورت..

حب وحنان أتحملين..
سعفة نخل طبعج صفة..

وية الرياح أتميلين..
جَرَحني ياحيف الزمن..

وأنتي بجروحي أتلعبين..
جربتج وخاب الأمل..

كَمتي بغرورج تمشين..
ندمانه اجيتي أبلا خجل..

برموشي جرحي أتشلين؟؟
سيفج كَطع جفي امس..

وشلون أسامح تردين؟؟
كَلبي الِخلِص بمحبتج..

ما يكَدر أيحب مرتين..
كلشي انتهة من عشرتج..

دمعـة نـدم ما تسويـن!!

***************


الشاعـر


جلال البطاط


غير مبروء ذمة من يقوم بالنقل دون ذكر الاسم

جميل هذا الاحساس
اخي البطاط كن بالف
خيريالغالي

تسلم عزيزي على هذا النثر
الجميل ننتضر جديدك
,,,,,,,,,
النفس معروف عندي وما اشكن بيه

وحسن بيه لون ميتين تتنفس

وعرفك من كلامك وعرف شما بيه

ومن جدمك اعرفك لون بيه اجس

تحياتيّّّّّّّّّّّ

عاشت الاناملک یااااااا شاعر ویاااااااا مبدع
کلمات فی قمه الحزن
تحیتی وکل احترامی لک

احسنت اخ جلال المبدع صح لسانك
تقبل مروري وتحياتي

تسلم اخي العزيز سيد جلال

قصيده روعه وبحر سهل من مداد رائع

تقبل مروري المتواضع يا صديقي 0

جميل هذا الاحساس
اخي البطاط كن بالف
خيريالغالي


تسلملي حبيبي ابو حيدر ع المرور الكريم...تحياتي الك ياوردة.

احسنت يامبدع على هذه القصيده الرائعه واتمنى لك النجوميه تقبل مروري المتواضع