جيتج وگلبي گبل روحي اجاچ

ازرع بليلج شمس ديره وصبح

*
وانذر اسنيني لجل كحلة العين

ما يراودها الغريب وتنمســـــح

*

اني ابن فلاح بالنخوه اثــــــــور

الغيره نار تصير عد ولد الفلح

*

اي حبيبه ولو قسى وياج الزمان

بجفي اكسرلج الف سيف ورمح

*


ادللي و طشي الضحك ويه الدلال

بروحي بانيلج دواوين وصـــــرح

*


ولا تخافين الزمن لازم يــــــــدور

وباجر كبالج يصح الما يصــــــــح

*


باجر التومان يم جدمج يطيــــــــح

والريال بخطه جدمج ينطــــــــــرح

*


والمضيف يرد يلم شمل العمـــام

ولا خسيس يفوت ويضوك الملح

*


ولا تقيه التكدر تشوه الحــــــلال

ولاكو غامض ينفرض عالمتضح

*


وشيلة امج فوك راس امج تدوم

واهد ساس الدنيه بس ما ينفضح

*


احنه واحد بالعشك رغم اليصير

كتاب واضح ماكو لازم للشـــرح

*

للامانه منقول

شكرا لك ولأمانتك الأدبيه

اختيار جميل لقصيده رائعه فعلا

تحياتي لك 0

قصيده جميله ونقل موفق ولكن كان سرورنا ان نرى توقيعك يذيل اسفلها .. شكرا لك ونطالبك بكتاباتك لا بالمنقول رغم جماله

حبيبي محمود انتقاء بطعم العسل

انتقاء واختيار رائع لمعنى عميق جداااا لمن يتمعن بين السطور
يجد وفاء بلاحدود في زمن قل به الوفاء
حياك الله وعاشت اناملك لاختيارك المميز
تحياتي لك