مملكة الشفايف [الأرشيف] - منتديات الفرات

مشاهدة النسخة كاملة : مملكة الشفايف

memo alking

30-08-2010, 08:37 PM

على حبك باب الكَلب سكّر
يالتنكَط مسك شفتك و سكر
حقك لو تصاب بمرض سكر
إذا كلك عسل و محير البرية

أضل بشفافچ الحلوات مسبي
وجن العگل بيچ وصار مس بيه
قلم حمره يريت الگلب مس بيه
روحه بشفتچ وذابن سويه

مزنجر قفل گلبي عليك شفتك
تبريّد حيلي والله بيوم شفتك
سبحان الرسم عالوجه شفتك
الحلاه خلاها الك والضيم اليه

حبيبي من حلاها مره شفتك
وبعد عطشان ياسمر من رشفتك
لون فد يوم تصدف مره شفتك
جدك مايخلصك من اديه

اريد اسئل عسل شفتك شكر بيك
شذبحن بيك متكلي شكر بيك
ايه تنزلت انته شكر بيك
يحفضك كون ياربي اليه

وشفت انه على شفافه شكردان
شطبرن بيه كلي انته شكردان
العسل من شفته اضن رايد شكر دان
ويضل مطلوب حد وكت المسيه

ويرد العسل للشفتين شكراك
وعفوا" ينطق من تكول شكراك
من شاف الشكر علشفتين شك راك
الشفايف وي سمسميه

نشف شعرَه وتوزر.. بمنشفتة
عقلي طار وسودنت .. من شفتة
وروحي مشتهية بوسة.. من شفتة
ولك بس تعال واعطف علية

غزل عينك رهن روحي وجرهه
وشعل نيران البكلبي وجرهه
اريد اتمسك بشفتك واجرهه
حتى انقل ذنوب البيك الية

حرام الدمع ينظم شفت اكته
إلك يالتيهتني شفتك أته
جمر حرگتلی شفتی شفتک اته
جهنم بيك وآنه أبليس بيه

رمش عيني على دربك شفته كناس
وانا بلا ناس لكن شفتك الناس
احذر لون باست شفتك الناس
اليموت بركبتك تبقه الخطيه

يبو طول الحلو ويالعسل شفتك
جمالك شبكاني وبعد شفتك
طحت واتسودنت من يوم شفتك
وكمت ازحف زحف بثنين اديه

حبيبي معدنك ياقوت 00000يندار
ودليلي لا تضن للغير0000 يندار
ومن اشفافك لذيذ الخمر000يندار
وعيونك سحر بيهن جاذبيه

بحضني اكَضيه ليلك وكتل مساك
اريد افطر بشفتك وكت المساك
زلازل تمر جسمي وكت المسك
واشوف اعضاي تجّمع بدية

وحق الوضع للعالم قبلتين
خدك عسل وشفافك قبلتين
تدري لو خذت منهن قبلتين
اكول الله رضه توه عليه

مما راق لي

تحياتي للجميع

خليل الشرابي

30-08-2010, 11:17 PM

أبوذيات جميلة جدا أخي الكينك
تمنياتي لك بالتوفيق الدائم
أمتعتني قرائتها
آدامك الله
تقبل مروري
وشكرا على المرور الجميل

شاكر الهلالي

31-08-2010, 01:06 AM

احسنت وشكرا لاختيارك

لهذه الروائع من الأبوذيه

تقبل تحياتي ومروري 0

memo alking

31-08-2010, 04:01 PM

اشكركم على هذا التواجد الجميل
ولا حرمت من طلتكم الجميله
لكم ارق التحايا

عاشق النساء

31-08-2010, 04:27 PM

صدك كينك حتى بل ابوذيات
تحياتي

عباس الفرطوسي

01-09-2010, 11:28 AM

أضل بشفافچ الحلوات مسبي
وجن العگل بيچ وصار مس بيه
قلم حمره يريت الگلب مس بيه
روحه بشفتچ وذابن سويه

مزنجر قفل گلبي عليك شفتك
تبريّد حيلي والله بيوم شفتك
سبحان الرسم عالوجه شفتك
الحلاه خلاها الك والضيم اليه

حبيبي من حلاها مره شفتك
وبعد عطشان ياسمر من رشفتك
لون فد يوم تصدف مره شفتك
جدك مايخلصك من اديه

شكرا لك اخي العزيز على ذوقك واعجابك متمنيا ذكر اسم الشاعر للامانه الشعريه حيث نشرت هذه الابوذيات هنا على هذا الرابط http://www.alforat.org/showthread.php?t=96303 (http://www.alforat.org/showthread.php?t=96303)

طالب الناصري

01-09-2010, 04:13 PM

شكرا لصاحب الذوق الجميل

الشيخ ابوحيدر

01-09-2010, 04:38 PM

احسنت اخي الكنك
روعة مانقلت تقبل تحياتي
يالغالي

أنثى شرقية

01-09-2010, 04:42 PM

انتقاء مميز لتلك الابوذيات الغزلية
دوم الابداع والتميز
دمت بالف خير

تحياتي

طيبة النجف

03-09-2010, 08:20 AM

وحق الوضع للعالم قبلتين
خدك عسل وشفافك قبلتين
تدري لو خذت منهن قبلتين
اكول الله رضه توه عليه

مبدع في انتقاءك هذه المجموعة الحلوة
من الابوذيات
كن متالقا اخي الغالي
ولسموك اغلى تحية
تقبل مروري المتواضع
طيووووووووبة

memo alking

03-09-2010, 04:28 PM

شكراً لكم احبائي
ولتواجدك الرائع
و الذي اسعدني
لكم باقه من ورد الياسمين

تحياتي

عبادي 101

18-12-2010, 02:17 AM

أبوذيات جميلة جدا