السلام عليكم ورحمه الله وبركاته

اتمنى ان يعجبكم
قلم قلــــبي تداين ورقه منك
لأن ماكو بجمالك ورقه منك .....
باسجلك انت الأول ورقمنك ....
وأكتب لافته محجوز اليه
** ** **
المحبـــوب أفكر ليـــل وانهار..
ودمع عيني بغيابك بحر وأنهار..
جبل آنه بمحبتك طاح وأنهار..
لأن حبك زلازل ومر عليه...
** ** **
صحبتك ليش كصرت ماطلتها
وانا الدنيا على مودك ماطلتها
جنت لك فرصه سهله ماطلتها
خسرتني بسس بطرانك عليه
** ** **
اسقي ضماي من شفاك وردة
يلخدك جميل تقول وردة
ردية احوالي بين الناس واردة
اذا بالبوسة هم تبخل علية
** ** **
موحب بقلبي هذا ورم شاك
واذوب بشوفة عيونك ورمشاك
اظل للموت امشي ورة مشاك
لان روحي التحبك مو بدية

** ** **

احبة وما احب واحد بدالة
وياذنب البدة مني وبدالة
الك منصوب بقليبي بدالة
خطك على النبض يشتغل بية

حبك فرض واج وقبلة
وجمالك منوجد بعدة وقبلة
ردت بس الزم شفافة واقبلة
اقبلة كل صباح وكل مسية

شكتلي الروح عنك ونتة بيهه
جروح القلب زادت ونتة بيهة
الجانت صدك بنتك وانتة ابيهة
يعمي ارجوك خليهة الية

يسالني العشك عنك وردلة
حلو الخدين شايل ورد له
احلفت ما اوصل لدارة وردلة
اشوفني وصلت من غصبن علية

اريد الزم ارموشك وكحلك
خافن ترمش لغيري وكح لك
دايخ بالخصر داير وكحلك
خصر تفصال تتكلب علية



حبيبي ارجوك حاجيني شمالك
تهت مابين غربك من شمالك
صرت انتة الهوى واشتم شمالك
واذكرك من تهب ريحك علية

مما اعجبني

اطيب التحايا لكم

حلو عاشت الايادي
تقبل مروري وتحياتي

جميل ورائع كروعتك
يالغالي لك كل الود
كن بخير
يالغالي

رائع جدا عزيزي
اتمنى لك الموفقيه

انتقاء مميز لتلك الابوذيات الرائعه
تمنياتي لك بالموفقيه
تحياتي

جميل جداً مروركم
اتمنى لكم الموفقيه
ولكم ارق التحايا

شكرا لك لاختيارك وتسلم 0

اختيار حلو شكرا ميمو