**///*حيه **اودرج*///**



خطار اوكفت ابابك ابليل
اشلون ابليل خطارك ترده
حجيك ذاك وينه اوينه ملكاك
وحنانك والوفه اوذيج الموده
ضيعت العرف نتعارف اردود
والمضيع العرف يوكف ينشده
هذا انه الجنتلك كوسر افياي
وكضيت العمر نايم ابسده
حسبت احساب كلشي اوطلع مظبوط
بس ماحسبت بابك تسده
تعال اوكف ابعيني اوحجي شتريد
مادام الجرح نيشانه بعده
نعاتب واليحب يتحمل اعتاب
وكلمن يطلع المظموم عنده
بحر دنيانه وحنه ابين جرفين
والماشاف جزره ايشوف مده
ميخالف بعد كدامنه اهواي
النوب الجاي مومثل التعده
بمرور الزمن هم تتلاكه الوجوه
وكلمن طينته اتبين ابخده
ابنادم موش عيب ايطيح ويكوم
الفشل والعيب اذا ماكام وحده
شدخ جرح اليالي اوباجر ايطيب
بس البلظهر مالوح اشده
تماشيني اوتحطني ابهاي وبذيج
خنتني اوكلت كلمن هذا حده
ياهو المثلي وكته اتحارب اوياه
زمانه اوخلته اوصحبانه ضده
شتلتك صار حفنه اسنين باالروح
جا ليمت تخظر بيه ورده
عمري الشلته بجفوفك كرستال
شلون اكبال شماتي وتهده
لاجرحي الجرحته ايطيب ونساك
ولايلتم بعد ماي التبده
كلمن بينه يذكر صاحبه ابخير
والطيب حليبه ايوفي وعده
*حيه اودرج*
نلعب داس داسين
المهم اخر درج ياهو اليصعده





للشاعر


حسين الشميساوي

عاشت ايدج حييييييييييييل حلوة
دومج مبدعه

يسللمووووووووووو عاشت الايادي يخبل

عيون المها انتقاء بطعم الشهد

الغاليات
اسيرة دمعتي
واسيرة دموعي
سرني تواجدكن هنا بين تلك السطور


اخي الكريم
طالب الناصرني شرفني مرورك هنا

الف تحيه لكم

تسلمين اختي العزيز حلومه

وشكرا لاختيارج الحلو

تقبلي احلى تحياتي 0

حياك الله وتسلم لجميل مرورك العطر
الف تحية لك

عيون المهى انتقاء جميل وقصيده رائعه
تحياتي اليك

تسلم ابو سجاد لمرورك العطر شرفتني
ربي يوفقك
تحياتي لك

هذا انه الجنتلك كوسر افياي
وكضيت العمر نايم ابسده.

الله ياحبيبي حسين الشيميساوي...تحياتي لك ولهذي الكلمات الجميله.
شكرأيا رائعة لتذوقك هذه القصائد الجميله التي تكتب بصدق..
مليء بالاحساس والعفويه..مع شكري..

قصيده جميله جدا

وذوقكِ في الاختيار اجمل