من بحر القوافي وزحمة اللوعات

تتجلى القصيده وروح معناها

بيهه من اندب الزهره وعلي الكرار

اشوف الدنيه كلهه تريد وياهه

تسبك هالشيم لاهل الشيم تاريخ

منبعهه البتول ومنهه مرواها

وعلى قلعة محمد شاخص الكرار

بس حد ذو الفقار الدنيه يسواها

ويا من راوست دنياك بالسجدات

من تدنه الصراط هناك تلكاهه

رببك بالرسل اكدهه والقراان

مو لاهل الدنييه الجنه سواها

ولو ردت المثل ما اعتقد يخطاك

لن ما يسوه دين المسلم بلاها

هيه الزهره بضعة سيد الاكوان

فايز والحسن كلمن تنخخاهه

تهدي الحننه وي ثوب العرس للناس

وتزف الفرح لليكصد رجاها

ما طلبت ترف بس طلبت الجبار

يتماشه الزهد كله على ممشاهه

امماره النفس يا هالبشر بالسوء

بيهه من الفجور وبيهه تقواها

خايب من يدسهه ويعتقد ربحان

ربحان التلاحك نفسه زكاها

جا بس بالشدد نندب يحامي الجار؟

واسراب الدموع يفيض مجراها؟

كون ارضي الفقير واذكر المحتاج

وانطي لجلمة الايمان معناها

واسد عين الشمس بملاحج الجلمات

اصلي على الرسول وتارثة طه

ثكلهم هوه وزن الكون والعباس

الهم حتى ادم ويه حواها

وضل يا هالغشيم بكصر شوفك دوم

هيهات الحقيقه بيوم تدناها

لن رببك عماك ويعرف بمنواك

دربك ويه اميه وساء مثواها

ويامن والى حيدر يهمك دوم

عين الماتشوف حسين دلاها

ــــــــــــــــــ
محتاج الدعاء جزاكم الله خيراا يا مؤمنين
رحيم الحسناوي

صح لسانك اخي العزيز
وطيب الله انفاسك وقضى حوائجك بحق داحي الباب وباب الحوائج
ورمضان كريم عليك اخي العزيز
تحياتي

اللهم صل على محمد وآل محمد وعجل فرجهم

عطر الله انفاسك عزيزي
على جميل ماسطرت من معاني
وجعلها الله في ميزان عملك

نسال الله لكم قضاء الحوائج بحق ام الحسنين وبحق امير المؤمنين علي عليهما السلام

اللهم انت الشافي
انت الكافي انت المعافي
شافي وعافي وكفي رحيم الحسيناوي
وحوله من المرض الى العافيه
ومن الفقروالفاقه الى الغنى والراحه
وقضي جميع حوائج الدنيا والاخره بحق
لااله الاالله وبسرلااله الاالله وبكرامت لاأله الاالله
وبسر الاسرار وبنور الانوار وبحق علي المختاروصلى
الله على محمد واله الابرار

تحياتي رحيم الحسناوي وشكرا على القصيده الرائعه

الحسيناوي
وفقك الله ورعاك
وقضى حوائجك
تحياتي اليك