dhia-a
17-08-2010, 07:25 PM
السلام عليكم
مجموعة من الابوذيات بقلمي المتواضع
اهديها لكم في اول موضوع لي في منتدى الشعر الشعبي
احبك من عمر جهلي .. ويهلك
وضل مرسوم بخيالي .. ويهلك
اليحبك ينشلع كلبه .. ويهلك
لان حبك مرض مابي شفيّه
مثل دينار شخصك ذهب .. ونساك
وبس وياي اريده يكون .. ونساك
جذب اترك ودادك يوم .. ونساك
لان حبك فرض واجب عليّه
جميع اعضاي يوم جفاك .. ونت
وهاك اسأل عليه الجات .. ونت
ماونيت انه لفركاك .. ونت
لانك كمت تترحم عليّه
العسل يشكر عكب عينك .. يمرلي
وتحت الضلع بفراكك .. يمرلي
اذا وصلك صعب اقبل .. يمرلي
شخصك بالمنام وهاي هيّه
ابّحر حبك سفن شوكي .. طفت ليش
وشمعة حبنه بغيابي .. طفت ليش
تمر من يمي وبداري .. طفت ليش
تاه الباب لو مغضب عليّه
عذب وياك ماني .. مالح اني
احب وشلون ترضه .. مالح اني
شتظن سهمك خطاني .. مالح اني
صوبته بدليلي وفتك بيّه
بحر حبك عذب مو ماي .. مالح
احبك وبكلامي شلون .. مالح
اذا شخصك الي فد يوم .. مالح
يضل مشدوه فكري شلون بيّه
ارجو ان تنال اعجابكم..
تحيااااااتي
مجموعة من الابوذيات بقلمي المتواضع
اهديها لكم في اول موضوع لي في منتدى الشعر الشعبي
احبك من عمر جهلي .. ويهلك
وضل مرسوم بخيالي .. ويهلك
اليحبك ينشلع كلبه .. ويهلك
لان حبك مرض مابي شفيّه
مثل دينار شخصك ذهب .. ونساك
وبس وياي اريده يكون .. ونساك
جذب اترك ودادك يوم .. ونساك
لان حبك فرض واجب عليّه
جميع اعضاي يوم جفاك .. ونت
وهاك اسأل عليه الجات .. ونت
ماونيت انه لفركاك .. ونت
لانك كمت تترحم عليّه
العسل يشكر عكب عينك .. يمرلي
وتحت الضلع بفراكك .. يمرلي
اذا وصلك صعب اقبل .. يمرلي
شخصك بالمنام وهاي هيّه
ابّحر حبك سفن شوكي .. طفت ليش
وشمعة حبنه بغيابي .. طفت ليش
تمر من يمي وبداري .. طفت ليش
تاه الباب لو مغضب عليّه
عذب وياك ماني .. مالح اني
احب وشلون ترضه .. مالح اني
شتظن سهمك خطاني .. مالح اني
صوبته بدليلي وفتك بيّه
بحر حبك عذب مو ماي .. مالح
احبك وبكلامي شلون .. مالح
اذا شخصك الي فد يوم .. مالح
يضل مشدوه فكري شلون بيّه
ارجو ان تنال اعجابكم..
تحيااااااتي