السلام عليكم الاخوه
والاخوات الاعزاء
هذه ومظه حسجه الي يدخل ومايحلها
موعيب خلي يكول ماأعرف بس الي
مايجاوب يعني الحسجه عنده ضعيفه متفقين الومضه هي


يام كَذله الجايه بردانه
خشيف ظامن منعجدمصرانه
خشيف ظامن لازه وياه الجلاب
كاسرالمعول والمنوش بصير
وظاعت الصيده عليه بعين جير
راح ماي عيونه وضل الوشير
من وذن وذنه وعريب حصانه
يامكَذله الجايه بردانه


جاوبوا ياحظرة شعراء الحسجه
هاي مال اهلنه القديمه ههههههههههههه

السلام عليكم
استاذنا العزيز كلامك هذا بي اساءة لجميع اعضاء وشعراء المنتدى...تتحدانة على شنو؟؟؟ ع الوزن؟؟ع جمالة الابيات؟؟ يعني هسة اذا اني ما اعرفت شنو تعني هاي الكلمات...يعني اني مو شاعر وكلشي ما افتهم؟؟؟؟ هذا الكلام عيب يصدر من انسان المفروض يرعي مشاعر اخوتة الاعضاء الباقين في المنتدى!!!على كول الامر متروك الى ادارة المنتدى الي من واجبها تنتبه الى مثل هيج مواضيع بيها اساءة للاعضاء.

[quote=الشاعر جلال البطاط;913699]
السلام عليكم

استاذنا العزيز كلامك هذا بي اساءة لجميع اعضاء وشعراء المنتدى...تتحدانة على شنو؟؟؟ ع الوزن؟؟ع جمالة الابيات؟؟ يعني هسة اذا اني ما اعرفت شنو تعني هاي الكلمات...يعني اني مو شاعر وكلشي ما افتهم؟؟؟؟ هذا الكلام عيب يصدر من انسان المفروض يرعي مشاعر اخوتة الاعضاء الباقين في المنتدى!!!على كول الامر متروك الى ادارة المنتدى الي من واجبها تنتبه الى مثل هيج مواضيع بيها اساءة للاعضاء.
الاخ الفاضل جلال البطاط ليس تحدي بس هي مزحه فيها كلام اهلنه وصعوبة الحسجه عندهم
واني من باب الملاطفه وليس من قبيل التحدي والله واذا جنابك الكريم افتهمتها تحدي فانا اسف جدا يالغالي بس والله حبيت اجعل في الموظوع منافسه وخليت بيه هديه لحسن نيتي والله الشاهدلك كل الاحترام فانا من مجبينك استاذ لاتواخذني ياقلبي

الشيخ ابو حيدر
اولا الف مبروك الاشراف على المنتديات الادبيه
والجواب هو حسب اعتقادي ..
ابو كذيله الحصان
وخشيف ضامن هي بنت الفرس
ومنعجد مصرانه اي جائعه
واتبقى من ومضتك الرائعه فقد اصبح مفهوم بعد ان عرفنا ابوكذيله والخشيف
دام هذا الابداع
وتمنى ان تكون اجابتي صحيحه
دمت بحفظ الله

ههههههههههه حلوة بس ما عرفت المعنى

[quote=زهير العقابي;914702]الشيخ ابو حيدر
اولا الف مبروك الاشراف على المنتديات الادبيه
والجواب هو حسب اعتقادي ..
ابو كذيله الحصان
وخشيف ضامن هي بنت الفرس
ومنعجد مصرانه اي جائعه
واتبقى من ومضتك الرائعه فقد اصبح مفهوم بعد ان عرفنا ابوكذيله والخشيف
دام هذا الابداع
وتمنى ان تكون اجابتي صحيحه
دمت بحفظ الله

الله الله الله اللههههههههههه
رائع العقابي بس ماكملت لاأن
الباقي له معنى مهم وقصه جميله
كمل حتى تستحق الهديه
متفقين وألاأذا كمل غيرك راح ياخذالهديه
وياك مناصفه
لك كل الحب ايها الراقي زهيرالعقابي
كن بالف خير:66 (46)::66 (46)::66 (46)::66 (46):

[quote=الشيخ ابوحيدر;913379]
السلام عليكم الاخوه

والاخوات الاعزاء
هذه ومظه حسجه الي يدخل ومايحلها
موعيب خلي يكول ماأعرف بس الي
مايجاوب يعني الحسجه عنده ضعيفه متفقين الومضه هي


يام كَذله الجايه بردانه
خشيف ظامن منعجدمصرانه
خشيف ظامن لازه وياه الجلاب
فرس جائع تزاحمه الكلاب
كاسرالمعول والمنوش بصير
مكسور معوله ولا يستطيع الوصول به الى ضالته
وظاعت الصيده عليه بعين جير
اسودت عيناه ولا يستطيع الوصل الى طريدته
راح ماي عيونه وضل الوشير
جف ماء عينه من المعاناة
من وذن وذنه وعريب حصانه
سبب جوع الفرس وكثرة الكلاب اوصلته الى اسوء الحالات
يامكَذله الجايه بردانه


جاوبوا ياحظرة شعراء الحسجه

هاي مال اهلنه القديمه ههههههههههههه


اخي ابو حيدر
كملت اجابتي
واتمنى ان تكون صحيحه
وهديتي
هي ان يكون لي مكان
في قلوبكم الطاهره
دمت بحفظ الله

كملت والله العضيم ومكانك
بالقلب محفوظ بس اني
اقسمت بالله اعطي لمن يحل
الحسجه هديه اطلب واني
ممنون ولاتخجل ربي
يحفضك بس اسالك بالله
الم تستعن بالحل على
احدالعجائزأوالشيوخ
اجبني بالله عليك
كي ارتاح