قصيدة الانتخابات رساله الى كل سياسي** شعر شعبي عراقي



موذنب الوطن مابيده شي عالصار
وطن شايل جرح وبكبر خارطته
سيد عالدول ينذم دكلي اشلون
اذا حتى اليضده ويحلف ابخته
خلص وكت المجامل والحجي بوجهين
وذاك ابوجهه تضحك ذاك لاعفته
احط طينته بخده البيه شفت تقصير
اوي ذوله الدبش ماتنفع السكته
موصوج الوطن صوج السياسيين
صوج الباع نكطه الجانت ابكصته
الشمس طلعت عليه ونعرف وجهه الباك
وصارت للشعب معروفه سالفته
امس واكف تجدي اتجمع انته اصوات
لاكن من فزت صوت الشعب دسته
شعب كل ناسه فقره اتريد راحة بال
شبعته نعم بس موت شبعته
دوله وقسمتها ابجيب هذا وذاك
و ماصيراً بعد لشفايفك نكته
المناصب بالدول تنوخذ بستحقاق
بس عدنه الحكومه الخال وبن اخته
اجر اذني بعد ماانتخب هيهات
عرفت البيك زين وبيدي غربلته
لوينزل وحي ويكول عنك زين
ماصدك بعد خليني بالشفته
والشفته حجي مابيه فعل ملموس
وموالك حفظته وسامع البسته
دعايتك بعد ماتمشي كلها وياي
مثل ذيل الجلب تبقى انته ذاك انته

للشاعر فارس العيساوي

اخي سمير
قصيدة رائعه نطقة بلسان هذا الشعب المظلوم
امنياتي لكل سياسي في هذا البلد ان يراجع حساباته
ويقترب ويشعر بهموم الشعب الذي انتخبه
شكرا لك اخي سمير على هذا الأنتقاء الأكثر من رائع
خالص تحياتي

موصوج الوطن صوج السياسيين
صوج الباع نكطه الجانت ابكصته
الشمس طلعت عليه ونعرف وجهه الباك
وصارت للشعب معروفه سالفته
امس واكف تجدي اتجمع انته اصوات
لاكن من فزت صوت الشعب دسته
شعب كل ناسه فقره اتريد راحة بال
شبعته نعم بس موت شبعته


صرخة بوجه السياسيين
عسى ولعل ان يصحو ذلك الضمير من سباته
ويعلم ان يوم الحساب قريب
قصيدة ناطقة بالحقيقة المرة
لوطن مستباح
وشعب ذاق الأمرين من ساسته وولاة أمره

سلم لنا هذا الاختيار المميز يبو علي
وماننحرم هذا العطاء
اطيب التحايا لك عزيزي

الله الله الله
وينهم السياسيين
خلي ايشوفون هاي القصيدة مو دمرو ا الشعب
شكرا الك اخ سمير على هذا النق الجميل ننتظر جديدك

حياك الله عزيزي سمير المبدع
اختيار روعة وقصيدة تشع ابداعا"
تحياتي