شسويلك وانتَ ميزان الذهب مايكدر يجيلك ؟؟
والقلب دكاته منـّـي طفرنْ وكامتْ تجيلك
شسوّيلك ،، وانت الماي وشفافي تعطش
بس كون ترويلك
والجفن عندك غفى وجفني كل ليله يباريلك
شسوّيلك،، والقصايد إنكتبتْ باسمك وأبقى أحجيلك
وين تريد أروح أزورن
وأطلب مرادي وأندعيلك ؟؟
شسوّيلك ،، وآنا برحمة المختار رجواي وأصلـّـيلك
وآنا المداريك أكثر من امـّـك من تلوليلك
شسوّيلك،، وانتَ غافي بسابع منام وروحي تناغيلك
وانتَ تدري حتى بروحي أضحـّـيلك
شسويلك ،، حتى وردْ الحدايق كام من آهاتي يندّيلك
ياحصاد بشهر نسيان وفالة الفلاح يمـّـي تهيلك
شسوّيلك ،، احسبني خطــّـار ضافك،، والخطـّـار صاير دخيلك
وانتَ تحسب بساعات عمري وما عندي حبّ لبديلك
شسوّيلك ،، ومنــّي طيـّـرتْ الصبر ،،
ودموعي من لجماتي تبجيلك
والجسم أصبح نحيل ،،وبيك أقسم آنا حليلك
سشوّيلك ،، وآنا المفطوم من أمـّـي بس باقي أرضع تواسيلك
وجرحك يكبر وياي وجروحي إلك بلسم وأداويلك
شسوّيلك ،، وانتَ ماتذكرني برسالة ،،وآنا كل يوم أودّيلك
مارايد عشرتي؟؟ روح الله وياك وأتركني بمواويلك
شسوّيلك ،، وكل لحظه تسدْ بابك بوجهي وعذري أنطيلك
وآنا عضاي تتكطــّـعْ لو ناوي بناري أجوّيلك ؟
شسوّيلك ،، عساها مباركه الساعه ،،البيها عرفتك وأبقى عليلك
والقدر جامعني بيك وحروف من المحبة أهديلك
شسوّيلك ،، خلص كلشي وهاي آخر رساله ولاتكثر تسائيلك
واعتبر كلشي انتهى بس لاتجبرني أقبل تزاعيلك
شسوّيلك ،، وأنت مامور الهجر،، بس يم حبـّـي يقاضيلك
وعساها بركبتك ذمتي ،،لو بالهجر كلبي يئاويلك



م ن ق

عاشت الأيادي عزيزي الأمير العراقي
قصيدة جميله كلها شجن وألم
اثني على حسن انتقائك
بأنتظار جديدك
تحياتي

شسوّيلك ،، عساها مباركه الساعه ،،البيها عرفتك وأبقى عليلك
والقدر جامعني بيك وحروف من المحبة أهديلك
شسوّيلك ،، خلص كلشي وهاي آخر رساله ولاتكثر تسائيلك
واعتبر كلشي انتهى بس لاتجبرني أقبل تزاعيلك
شسوّيلك ،، وأنت مامور الهجر،، بس يم حبـّـي يقاضيلك
وعساها بركبتك ذمتي ،،لو بالهجر كلبي يئاويلك


الــــــــــــــــــــــــــــــلـــــــــــــــــ ـــــــــــــــــــه
تستحق التصفيق عليها نقل جميل
دام لنا تألقك
وربي يوفقك ويخليك

مشكورين حبايبي على المرور الجميل
اسعدتوني بتواجدكم
ربي يحفظكم ويخليكم
تحياتي وحبي

انتقاء جميل وبمحله
مشكور
بس شو تسويله خليك جنبه وما تتركه لوحده
دمت لنا ودام تألقك

الامير رائع ما نقلت سلمت اناملك
تحياتي اليك

مشكورين حبايبي على المرور الجميل
منورين وربي
تحياتي للجميع

الامير العراقي ..
كم هو دافيء الشعر المكتوب بلغتنا الدارجة ...
قوي جريء صادق وعار عن كل رتوش ...
انه نحن ...حروف تمشي على الارض وترتدي الثياب وتمزق شرنقة المعاني
لك ودي على الكلام الجميل

عاشت ايدك اخوي الغالي عالنقل الجميل
لاعدمنا ذوقك الجميل
تقبل مروري
وتحيتي لك

تسلمولي حبايبي على الردود الجميله
نورتو الموضوع بتواجدكم
ربي يحفظكم
تحياتي للجميع

صح لسان الشاعر وعاشت ايد الناقل كلك ذوق ياامير تحياتي لك وتقبل مروري

مشكوره فاتن الورده
منوره الموضوع
ربي يحفظج
تحياتي