مغرورة
ما الومج بعد ماتسوه حسبت لوم
يالعفتي الحنان ورحتي للذله
اسلوبج اعرفه وماكو شي مضموم
ورسمج بالظلام مغمض اندله
جرحي شماكبريسهل علي ويهون
ولا ايدج تضمده بيوم وتشله
رفعت شراع صبري وابحر بلياج
ومنج كافي كلبي يريد يتخله
طلكت الظلام الجنت عايش بيه
ما اقبل غرورج بيه يتسله
كشفت اوراق غدرج اعرف شما بيج
لغزج مو صعب يسهل علي حله
عانيت الأمر منج واريد انساج
للأن انتي عجيبه اشلون من يامله
احس براحه انه وانتي عني بعيد
وايام العمر تتورد وتحله
جنت عايش ظلام وانتي بيه كابوس
ونموذج مثلج بهاي البشر قله
وجودج في حياتي ذنب مامغفور
وعذاباتي وضياعي ولوعتي وعله
ومجبور من اشطبج من حياتي الأن
تدرين بعذابج شأخذ وشخله
من عمري الكظيته وياج بس آهات
مامجبور اجازف بالعمر كله
يبت الناس كلمن في طريقه يروح
واخذي اللي الج العنب والسله
مغروره الغرور البيج ميخليج
ودربج مو صعب والاعمى يندله
من طبع الجذب مايخدم الانسان
ولايوم السفح عالجبل يتعله
يالعمرج ضياع وانتي غيمه صيف
وعلى بعضج غلط واحجايتج زله
ظنيتج حقيقه وبيج طبع انسان
شيصحي ضميره الينكت ابخله
اتحملت الذنوب كلت ايجوز
الذنب اللي عدهه اتقره وتمله
ما اجرعج بعدمابيه عالشوغات
اذا اجرع النخله شيجرع السِله
هذا اخر كلام وقررت انساج
احجيهه بصراحه وارفض الذله

مغروره الغرور البيج ميخليج
ودربج مو صعب والاعمى يندله
من طبع الجذب مايخدم الانسان
ولايوم السفح عالجبل يتعله




عاشت ايدج اختي الفاضلة وننتظر ابداع كهذا .

مشكورة عتابي على المرور الحلو

حسبتج برائة فله والاقزام
وطلعت ساحرة تالي الدرب فله
وظنيت انتي كلبج نص جزيرة شوك
ومن بين البشر بس اني اندله
طلعتي الغدر كله وحزن للولهان
وان اتسأل كبل الدمع شيهله
ما هليت دمعي اعليج ابد هيهات
يا افعى الحقد بيج الغدر كله
روحي وبعدج اشمرلي سبع حصوات
يمن منج شفت مو عله الف عله

روعه وقصيده متميزة من متميزة تقبلي مروري ومجاراتي فقد جرفني عشق الشعر الى ان اوطأ جزيرتكي واقول ما قلت
الشويلي
.
..
...
....
......
.........
..............
.....................
foraten.net/?foraten.net/?foraten.net/?foraten.net/?

الله الله الله
عاش لنا هذا القلم
صح لسانك على هل الابداع وارقي
لم اعرف بك شاعره
لا بل نجمه لامعه بين الكبار
لقد سرقتي الاضواء من نجوم الشعر بمنتدى الفرات
اتمنا لك من كل قلبي
النجاح الدائم ومن رقي الى رقي ومن ابداع الى ابداع
لك مني اجمل وارقى تحيه
طالب الشمري



شكرا طالب الشمري على هالكلام الحلو
انشالله اكون قد وفقت في القصيدة
ههههههههههه لا والله لاسرقت الاضواء ولا شي انه اكتب شعر على كدي
يعني ما اوصل لابداعات اخواني الشعراء
انه وين وهمه وين
همه اعلام للمنتدى وانه بعدني توني اكول يالله
مشكورين عل المرور


حسبتج برائة فله والاقزام
وطلعت ساحرة تالي الدرب فله
وظنيت انتي كلبج نص جزيرة شوك
ومن بين البشر بس اني اندله
طلعتي الغدر كله وحزن للولهان
وان اتسأل كبل الدمع شيهله
ما هليت دمعي اعليج ابد هيهات
يا افعى الحقد بيج الغدر كله
روحي وبعدج اشمرلي سبع حصوات
يمن منج شفت مو عله الف عله
foraten.net/?foraten.net/?foraten.net/?foraten.net/? الشويلي
الـــــــــــــــــــــــــــلــــــــــــــــــــ ـــــــــــــــــــه
حيل حلوة عاشت ايدك
فعلا كلام حلو
مشكورة على هذي المجاراة الحلوة
اتمنى تتواصل ويانه