كوبي : هلو بيست اشلونك . شلون الصحة .

بيست : هلو كوبي .

كوبي : هاي شبيك اشو اتجاوب من ورة خشمك.
بيست : يمعود شغل ماكو هل الأيام .

كوبي : اه. مو كل ساعة وكل يوم اني جايبلك شغل.
بيست : يمعود هيج شغل ما ينراد كله تبوكَة من المنتديات وتجيبه يعني بين قوسين (مال حرام)

كوبي : هاي فوكَاتها .مو زين كاعد اشغلك . وانته عطال بطال.
بيست : والله هيج شغلة بلحرام ما اريد .

كوبي : زين لعد بعد كل شي ما اجيب . وابقى حديقة .

بيست : هاي شبيك كاعد اتشاقه وياك .

كوبي : ها اشو بدلت . !!
بيست : بس خليها في بالك لو مو اني انته ما تشتغل .

كوبي : هلو عيني هلو . هو انته جنت حافي واني لبستك .
بيست : بلة اسكت اسكت . هو اني اتعب اكثر منك .

كوبي : انته تتعب اكثر مني ؟؟ هو اني اروح ادور على المواضيع والصور بين المواقع والمنتديات وروح تكسي وتعال تكسي واجيبه الك وانته على الحاضر تاخذه .
بيست : لعد اني اجيب بهل الصمغ والزكَ بهاي المواضيع والصور . وترة سعر الصمغ صاعد هل الايام .

كوبي : ليش يمه كاعدين يصنعون العبوات بلصمغ حتى يصعد سعره . لعد اني شكول كهرباء ماكو وبانزين ماكو واسعار التكسي نار . وانته لا بانزين ولا دوخة رأس.
بيست : هاي منو كَالكَ عليها . اصلا الصمغ هم يصير من البانزين.

كوبي : هاي شنو !! استخدم غرة مال الاخشاب.
بيست : هسه شكد حجيت دروح جيبلنا شغل منا منا .

كوبي : أي والله اني شدوخت روحي وياك لو ادري ما جان سلمت . باي
بيست : باي

هههههههههه
هاي خوش محاورة
تحياتي لقلبج الطيب
تقبلي مودتي
http://smiles.al-wed.com/smiles/65/43.gif (http://women.bo7.net/ext.php?ref=http://games.bo7.net/)

هههههههههههههههههههههه
حوار رائع وجميل جدا
شكرا للموضوع الراقي
تقبلي ارق التحايا

ههههههههههههههههه
شكرا لكِ عزيزتي على الموضوع
لكي تحياتي