بس ليك احن



وابقى بغرامك ممتحن



واضحك وانه بثوب الحزن



بس ليك احن



موالك اشكد ما عتك



يحلالي وايونس الاذن



واعيونك اخيام البدو



لاهن وطن ولاهن سجن



وشعرك حمامة توحشت



وامتوني صارتلك غصن



واشفايفك تين وعسل



واسوالفك سكته ودفن



دوسا على كلبي بمشيتك



واعجني بطرافك عجن



مو عاد اشكيلك واون



بس راح اجن



مليانه منك هالبطن



مجناوي متروك اباسى



وانه شمتفتر انفتن



اشبكني عريني الوكت



خلاني ثوب بلا ردن



دورت بحر وصحاري اجبال واسهول ومدن



وك ماشفت هيجي ترافه



ولا مثل عودك مرن



زبدة وتموع التكظك مو طبك سن اعلى سن



تعب ونعاس وعتهدم



ما تنكلب يامثكلك



واشكد رزن



مو من تكظني انه ابتسم



مو جف احسك صم كطن



ليش امن اكظك تنهزم



شردت طفل مل وشبع من الحظن



امداري طير



امداري روح



جف دليل وجف يطش عشك دخن



نام الك عين وحظنها



ومهدك افراش الجفن



واشرد بجنحك يطير



اوعليّ فوك ولا تمن



لن صعدت العش الكناري وطكته حية التبن



ولعبة امحيبس وكتنه المحبس بيا جف تظن




بس ليك احن


(( منقــــــول ))

للمرة الثانية ارجو كتابة كلمة منقول للأمانة الأدبية
ومنعا للحذف لاحقــا

هالله هالله.............
جميلة القصيدة خوية
تحياتي لحضرتك
ننتظر المزيد

واعيونك اخيام البدو
لاهن وطن ولاهن سجن
وشعرك حمامة توحشت
وامتوني صارتلك غصن
واشفايفك تين وعسل
واسوالفك سكته ودفن

الله يا عتابي
روعه والله
وجمال لا يوصف
كلمات كلها سحر
ابداع متواصل
تمنياتي لك باخير والسلامه

الله عليك اخي العتابي
قصيدة فاح منها اجمل العواطف
وكلمات سحرة قلوبنا بحلاوتها
اسجل اعجابي بجمال احساسك
ودفء مشاعرك
خالص تحياتي

شكرا للمرور الجميل من قبلكم .. علما اني اخترت هذه القصيدة لجمال وروعة كلماتها ..
واجهل اسم كاتبها .. للعلم والاطلاع .