تركتوني الدمع ساجب تركتوني -**-عليله وصرختي تعاتب تركتوني
مشوا عني -**- وأنه بوني
وانه بوني -**- مشوا عني
-**-
يابويه لورحت ارجوك اخذني وياك -**- أنه بنتك عليله ويالجنت برباك
اروي الخيل واسرجها بنظر عيناك-**- واشد اضعون أخوتي لواروح اهناك
فجعتوني الضعن يسري فجعتوني
اشابح والدمع يجري فجعتوني
تركتوا اجروح-*-بقايه النوح
بقايه النوح -*-تركتوا اجروح
-*-
يابويه ادري السفر ماتحملينه وياي -*- ترى انتي خيالي وكطعيت احشاي
اذا صار الامر اصبر واتاني اهواي -*- واذا بقدرة الهي تنتهي دنياي
ترى اضعون السفر سارت ترى اضعوني
ظلام الدنيا هالدارت ترى اضعوني
الضعن ينعي -*- نشف دمعي
نشف دمعي -*-الضعن ينعي
-*-
لوأن كاصد يابويه انطر تتأنيني -**- أنه جيتك اسافر لاتواسيني
عله اطراف الدرب لحظات حاجيني-**- انشغل فكري انحنه ظهري تخليني
عله اعيوني الدمع جمره عله اعيوني
بقيت وحسرتي حسره عله اعيوني
السفر لوطال -*- وأنه بهالحال
وأنه بهالحال-*- السفر لوطال
-*-
اقارن بالسفر بين الامس واليوم -*- ومابين الخبر عنك تذكره اعلوم
ترك جمره بوسط روحي الولي المعصوم-*-اخذ كل اهلي بضعونه وتركلي اهموم
اخبروني الخبر جارح اخبروني
فركتك ضلت تبارح اخبروني
طفت شمعه -*- ولادمعه
ولا دمعه -*-طفت شمعه
-*-
كأني بعالم الرؤيه اشوف احسين -**- وشفت عمي الولي الجافل بلاجفين
وشفت نور العقيله امعتمه العينين-*-احضن ياجسم ياراس مفجوعه الدرب لاوين
عله جفوني شفت سطره عله اجفوني
ويظل سوط الغدر طبره عله اجفوني
الحلم لوعه -*- وترك شوغه
ترك شوغه -*- الحلم لوعه
-*-
رجع ضعن العقيله محمل العبره -**- كصدتك ياضعن انظر ابو العتره
نعه الناعي ابن حذلم نعه بحسره -*- صحت هذا الحلم اصبح جرح صبره
تودوني القلب راده تودوني
حزينه واطلب مراده تودوني
أنه العانيت-*-وخليه البيت
وخليه البيت -*-أنه العانيت
---***----

السلام على سيدتي فاطمة العليله
اخي سامي الكعبي
طيب الله انفاسك وجزاك الله خير الجزاء
احسنت وبوركت يمينك
دمت برعاية الله وحفظه

كل الشكر لك عزيزي
على هذه القصيدة المباركة
عطر الله انفاسك وانالك شفاعة محمد وآل محمد

اطيب تحياتي لك

عطر الله انفاسك واحسنت الاختيار
ربي يوفقك
تحياتي

بارك الله بك اخي الغالي الكعبي
قصيدة جميلة بحق مظلومة الحسن ع
زادك الله حسنات وبركات ان شاء الله
تحياتي لك

عطر انفاسك اخي الفاضل شكرا على الكلمات الرائعه دومك مميز في اختيارك للمواضيع القيمه والجميله