كاظم اسماعيل كاطع


كاظم اسماعيل كاطع
نهر شيع بالقصيده
ومدرسه بكل بيت فاتح
البارحه بجرحي ألتقيته
وشفته شيب براسي طالع
ماكدر يفتحلي ايده
كاظم اسماعيل كاطع
لون خله بكل قصيده
البارحه من شفته يمي
وجهه شاحب دون لون
واضح التعب اعله شكله
وبحزن تشهك قضيته
التجاعيد الخبيثه
راسمه بخده جرح
جرح يعرف شاعريته
وكام يتغذه بوريده
علكو تهمه اعله فنه
الشعر اخطر قضيه
وتهمه الشاعر فطرته
تهمه الشاعر النيه
لازم بلاعصب يكتب
وهو اشعاره عنيده
القاضي للمفتي تركهه
وشكلو تهمه جديده
امس طيفه كبالي كاعد
سولف ويه ظنوني عن اخر مطاف
كتله وين الي كتبته
كلي ظل اعله الضفاف
والنهر شيعته بيدي
وشيعت روحي المصايب
والشعر اخ الشعر
ماجنيت من الشعر بس النوايب
ايدي وكفت بس كتبته
وكتب بيه احساسي حد اخر عشك
( زعلان بس يازعل لمن ترد للصدك
تلكاني باخر نفس اعصر كلب مختنك )
روحي تعبت بس حييته
وعاشت وياي الحقيقه باقسى اشكال المراره
جرحي فاتحني يشلني
ويكتب بموتي حضاره
اوراقي مجهوله هويه
وظلت الورقه الاخيره
العوز وازاني عليهه ولفهه وياي بجكاره
كاظم اسماعيل كاطع
ماخلص بعده مشواره
بس عتب نام اعله صدره
وزعل طال ويه الحكومه
شلون تاركته وحيد
شلون ماصرحه تعمره
شلون من تشوفه ماتكتلهه حسره
كاظم اسماعيل كاطع
داوه ياما الناس شعره
وللاسف هسه عليل
اواجب اعلينه نذكره

اتمنالكم التوفيق والابداع دائما

دمتم بخير وتقدم مستمر وتميز
تحياتي

http://www.iraqiaa.com/up//uploads/images/iraqiaad7de2e4200.gif (http://www.iraqiaa.com/up//uploads/images/iraqiaad7de2e4200.gif)

عشق غير مراي لهذا الاسم الجميل .. كاظم اسماعيل الكاطع .. علم عالٍ ومفخرة الشعر الشعبي العراقي

شكرا للقصيدة ودمتم لنا بهذه القصائد

اخي الشاعر
ابدعت والله
الصرح الشعري
كاظم اسماعيل كاطع
القمه
اخترته فانصفته
سلمت
وفقك الله
تمنياتي لك بالخير والسلامه