بسم الله الرحمن الرحيم

دعوى للجميع ( للسوالف ) عن احوالنا العامة ومشاكلنا اليومية ومن اجل الارتقاء بالمنتدى ايضا .. ومن اجل ان نجد النقاش الفعلي للمطروح ..

ان شاء الله الموضوع يعجبكم .

تسلم اخي العتابي على هالفكرة بس ادري يا اخي غير بادي انت بسوالف عن مشكلة حتى احنا علينا الباقي يا الله ننتظرك تبدأ
تقبل مروري مع خالص تمنياتي

راح اسولف على الجهال .. ميخالف ؟ ههههههههه
الجهال هالايام صايرين مدري شلونهم .. يعني كل ساعة انطني فلوس خلي نشتري .. وياريت يشترون شي بيه خير .. ادري .. كاعدين على بنك .. كل ساعة واجوني اريد فلوس ..
والاشياء الي يشترونها كلها ما بيها معنى مثل هالاجباس الي من تدخل للعراق هي الشمس وغير الاباس هاي العلوج الي ما نعرف مصدرها منين .. هسه لو يشترون شي بيه خير ما نكول لا شنسوي غير همه زينة الحياة الدنيا .. ( شوف زينة الحياة الدنيا ) بس مال فلوس .. ومن اتكله جيبنه فلان شي .. عكر وجهه وكال مابيه ليش ما اتدز فلان جا بس انه ..

يالله سولفت خويه هههههههههه

ههههههههه الله ايخليهم الك ويقر عينك فيهم اي ادري لعد اشلون يكبرون ويعرفون الحياة بس زين من يشترون جبس وعلج
بعيد الفطر اول عيد الي اكون في العراق لاحظت 90%من الاطفال بعيديتهم بس يشترون طلق ومسدسات حيل انقهرت عليهم كلت ادري هسا مكفتهم الحروب
هاي هم كانت سالفتي

والله خويه ابشرج همه حتى بمحرم هم يشترون مو بس بالعيد ..
خو المسدسات .. سكتي وخليها صار عندي مشجب مال اسلحة ..

اليوم وانه اتابع قنوات التلفزيون .. والكه على القناة الليبية كلمة الاخ القائد
ذكرني بصدام من جان يكعد ويه النتسوان ومدري شيسولف .. ههههههههه
اليوم الاخ القائد يسولف ويه النساء على النفط وشراح يسوي بالنفط وشلون يوزع الفلوس على الشعب .. واصدر قوانين بحق الرجل .. ما يقبل بيها عبد مسلم .. شوفوا القوانين ..
المبالغ التي توزع على افراد العائلة هي حق العائلة وليس للاب الحق باخذ منها اي شيء .. ( وطبعا ساعة يسولف بهاي السالفة وكل ساعة وعادها ) ..
ومايصير يلعب بيهن ميسر لان هذن الفلوس مو هو جايبهن لالا هذن ملك الحكومة .. اذا تريد تلعب ميسر وتشرب منكر اصرف من جيبك ومحد يكلك لا .. ( ما ادري راح يطبعون فلوس خاصة حتى يميزوهن )
واضاف الاخ القائد ان الفلوس توزع على المرأة والرجل كل على حده .. واذا اطلكت المرة فتاخذ افلوسها وياها البيت اهلها .. ههههههههههههههههههههههههههههههههههههههههه
ذكرني بالقائد الضرورة .. الاخ القائد .

والله خوش هسا من من الصبح النسوان تطلك وتاخذ فلوسها وتروح لاهلها هذا راح يهيلك النسوان

وهن النسوان شلون نسوان الكاعدات ما تعرفين رجلها من حماها .. هههههههههههه
احلى وحدة البيهن اتكول مرت بباي

ماشاء الله الاخ القائد
عنده نظرة مستقبلية مشرقه
خلص اذا النساء عندهم فلوس شنو يحتاجون للرجل
اهم شيءالفلوس
مع الاسف عند ما نشوف تصفيق الناس للروءساء
نتذكر وين وصلنة
فديوم عزت الدوري يقلول لصدام
سيدي انته كل الي تقوله صحيح
والجماعه يصفقون
شكرا اختي لقد هيجتي الام الماضي
تقبلي المرور

شنسوي .. القائد الضرورة في ذاكرتنا لانه سبب عيشنا الهانىء

سالفتي اليوم عن شبكات الاتصال .. تلكاها ساعة زينه وساعات تشلع راس الگلب ..
هسه وانه كاعد كل ساعة وانكطعت الخدمة ..
يعني ما جابونه شي للعراق بيه خير .. وين ماكو شغله تعبانه جربوها بروس العراقيين من اجهزة .. الى الغذاء ..
ماكو شريف يعني يجيب سلعة تخلينا نترحم الوالديه والموتاه ؟؟

يا اخي العراقين والعراق اصبح مثل فأر الاختبار تلكاهم يجربون اشياءهم براسنه اذا بيها خير عود يستمرون شنسوي هاي هم قسمتنة العراقين

والله خويه ملينه تره احنه عايشين بالقدره ..
لو اشويه يخلونه نتنفس .. لا يرحمون ولا يخلون رحمة الله تنزل ..

شنسوي يا اخي نصبر نكول اتهون وكل يوم واتعس من المضه على كل حال الحمد لله والشكر

صدكوني .. اي سلعة من تنزل بس اول وجبه زينه .. والباقي .. حدث ولا حرج