(عود السيسبان ) كاظم الزهيري


انته حسنك ضوه ايشك كلب النهار
او يانهار اليكدر ايفارك شمس

ونته شمس الله التشع ابكل مكان
تطرد الظلمه وتلقنها درس

اسوالفك قيثاره تعزف للحياة
اتهز مشاعرنه وتحاجينه بهمس

ونته وجهك فجر يامحلى ضواه
ايقبل اشفاف الورد ليلة عرس

ياترافه البيك يالحسنك عجيب
ياورد جوري اشوكت بينه تحس

يللي طولك مثل عود السيسبان
اومشيتك حلوه شبه زفة عرس

بنار شوكك نحترك نصبح رماد
اومن تمر بينه نطك ضرس ابضرس

نكلة اجدامك موسيقى او بيهه روح
ابمنهج التعليم اقروها درس


أنته كلها تغار منك من تفوت
وثق جمال الدنيه مايسوه فلس

ارد أنشدك انه موتني السؤال
ليش من اتمر علينه ننخلس

وليش من تشوفنه تهم الجدام
مو ضرس هجرك تولانه علس

احنه شارينك امأسرنه هواك
ونرضى حتى ابقفص حبك ننحبس

ابيابخت احنه على وصلك نموت
وابرود ابغيبتك تكتل نفس

مر على احبابك وكافيك البعاد احسبنه زوار بحضرتك نلتمس

الله الله عليك عزيزي
قصيدة غزل رائعة
واختيار مميز
كلمات خالطت الوجدان وحروف تناغمت بكل عذوبة

حيا الله مصطفى الزهيري بيننا
ونرجوا له المتعة والفائدة
وشكرا لتذوقك وانتقاءك

ننتظر منك المزيد
مع اطيب تحياتي لك