الكاظميه تنوح يا زوارهه .... عالجسر مطروح شمعة دارهه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ

موسى بن جعفر يشيعه على الجسر

الطيب ابن اهل المكارم والطهر

مكيد ومسموم بسجون الكفر

وينهه اهل الشيمه تاخذ ثارهه


طاحت اركان العدل وي طيحته

وينهه اهله وخلهه تفزع خوته

هذه ابو الشيمه النواصب شالته

وينهه شبولك يداح اسوارهه


من المظالم فوك كيده وهضمته

وصلت رموز الضلال وسمته

ابن جعفر عذبتهم رايته

وحيل ابو الحملات بين اكتارهه


ناحت على مصابك الزهره البتول

ياسليل العتره يا روح الرسول

يبن من داست على صدره الخيول

تبكه رايتنه وضخر لاحرارهه


جرح بينه وللابد ما يندمل

شلون مغدور بسجنهم تنجتل

ما يذل فخر الهواشم ما يذل

والفواطم عالارض ثوارهه

رحيم الحسناوي
__________________
من حق اي موالي النشر على حب الحسين وال البيت عليهم السلام

طيب الله انفاسك عزيزي
ودام لنا مدادك الموالي
وكل اشكر لك على مانثرت لنا من كلمات حزن ومواساة بذكرى استشهاد راهب آل محمد رهين السجون والمطامير
الا لعنة الله على ظالمي آل محمد من الاولين والاخرين

بوركت يمبنك
وعظم الله لكم الأجر

تقبل اطيب تحياتي