يالمصابك .. زيد ونيني وهيج احزاني


وبغيابك .. غاب الفرح والحزن عنواني


يمسموم فوك الاذيه


ــــــــــــــــــــــــــــــــــــــــــــــــــ ــــــــــــــــــــــــــ


ياضخر يبن الشيم شو طال الغياب


دليلي ذاب من الالم يافخر الاطياب


بمصاب ابن حامي الحمى ذاب القلب ذاب


مضلوم ابن خير البشر بسجون الاجناب


بديار الاغراب ... خلص حياته وحيدته الوالي


ابن الاطياب ... رغم النوايب شانه ضل عالي


يهد حيل كيد المنيه


ما طفت شمس القيم يبن الامامه


نور البنيه وحضرتك شاهد مقامه


وليل الموالي بحضرتك اامن ينامه


يا من نذرت شما الك لاجل اليتامه


قلبي دامي ... يالكاظم وما يبطل ونيني


يا امامي ... ناذرلك صبي عيني وسنيني


نطرناك يبن الزجيه


تذكر يبن راعي الشيم من حركو الدار


وهظم العقيله بكربلا ونبلات الاشرار


ردو عليكم سيدي وبيهم تشب نار


ويدرونك الحك رايتك وخضاب الاحرار


من لهيبه ... سيل الحزن سل مدمع عيوني


للمصيبه ... دم يدمي جفني ولا تلوموني


بهظم راح وبلا وصيه


بارض الغرب يا سيدي وبلا عشيره


بايد الضلم صار الولي ومحد يجيره


سجانك على اهل الغدر بايع ضميره


هيهات هارون الكفر للحك يديره


للقيامه ... الكم يتاج المرجله نوالي


للكرامه ... نورك يضل للغانمه يلالي


الك زود بالغاضريه


جسر النوايب فجعته يالم وطرهه


من اهلك يحيد جنازتك محد حضرهه


روحي لغربتك سيدي خلص صبرهه


جفوف النواصب شالتك يسبك غدرهه


وحشة الدار ... وبيت الامامه من الفرح خالي


والهظم نار ... لوع دليلي وحزني يبرالي


على مصاب خير البريه
__________________
من حق اي موالي النشر على حب الحسين وال البيت عليهم السلام

نتقدم الى مقام الامام الحجه المنتظر عجل الله تعالى فرجه الشريف
وعلمائنا الأعلام والأمة الأسلاميه جمعاء وشيعة أهل البيت عليهم السلام
بذكرى أستشهاد راهب بني هاشم الأمام موسى بن جعفر عليه أفضل الصلاة والسلام
اخي رحيم الحسناوي
طيب الله انفاسك وبوركت يمينك
وجزاك الله خير الجزاء
دمت بحفظ الرحمن ورعايته

عاشت الایادی ع هذه الابداع
تحیاتی

السلام على كاظم الغيض
السلام على صاحب السجدة الطويله
السلام على المعذب بقعر المطامير
السلام على مرضوض القدمين
بابي انت وامي يا مولاي
السلام على باب الحوائح
السلام على موسى بن جعفر عليك افضل الصلاة والسلام..
سلام ابد ما بقيت وبقي الليل والنهار
طبت وطابت الارض التي فيها دفنت
ياليتنا كنا معكم فنفوز والله فوزا عظيما
انا لله وانا اليه راجعون
ولا حول ولا قوة الا بالله