سامي الكعبي
29-06-2010, 10:06 PM
قصيده الى الامام ابو عبدلله روحي له الفداء *شعر شعبي عراقي* ارجوا ان ينال رضاكم
جبل شامخ مزارك سيدي ومولاي
مزارك مو مزار حجاج تسعيله
حجاج كصدوا الك يسعون
ومعزب مضيف الكاصد اوميله
ما اشوفك مناره تخاطب الزوار
ولا اشوفك مقام انذورنهديله
اشوفك جبل ينزف والجرح مالوم
وبقمة بهائك حملك تشيله
شما اكتب قصيده تشح الابيات
بس اكتب حسين ابيات تنعيله
شما اوصف طبرتك واذكر الطعنات
اشوف اعلام تسطع من تضويله
واشوف الحزن بافراحك مرار
ومرار جروح حزنك كلبي يبريله
خيطت الجرح وادري الطريق بعيد
وبخطوة مصابك اكصد ابجيله
اذا اكصد ضريحك واحضن الشباج
اكيد انسه الهموم وتنجلي بليله
واذا نهتف حسين نخوف الاعداء
اكيد انت انتفاضه وهذا تحليله
رحت للموت وماشفنه اجاك الموت
والموت انحنه وقبل ترابك يضحيله
اكوا الشايل سلاحه بغبرة الموت
واكوا البيهم تعنه سيوف تمشيله
وبيهم الاعطه قرابينه بشهود
وبيهم الاعطه الصبر واحزانه تعليله
مو كلمن زرع كال انه فلاح
ولا كلمن حصد شتلاته تزهيله
بس زرع الحسين الصارع الصعبات
اثمر بالطفوف انصار توفيله
محصودك جثير بموقف الانصار
وبمنجل صبر كثرت مناجيله
فرق بين اليموت بحضرتك مولاي
ومابين اليموت وطامع احجيله
احجي للطمع بالري والاموال
وانت الما طمعت طفوف ترويله
وانت الما طمعت بحكم وبجاه
خرجت اصلاح في الامه تراتيله
صبح باجر قريب تعود الطروش
واخبرك يالزرت اوصفلي اشكيله
يزيد الكفر بافعالك فسوق
ومشاهد صور للخمره باقاويله
فرق بين اليموت بحوض الاخمار
ومابين الحسين الباري يدعيله
ياحسين السفينه ومعبر اليمشون
عبرنا و الجسر جدمك تحاويله
يانبع العطاء ومصدرك زهراء
ياسبط الرسول وتلميذ الوحي وتنزيله
جبل شامخ مزارك سيدي ومولاي
مزارك مو مزار حجاج تسعيله
حجاج كصدوا الك يسعون
ومعزب مضيف الكاصد اوميله
ما اشوفك مناره تخاطب الزوار
ولا اشوفك مقام انذورنهديله
اشوفك جبل ينزف والجرح مالوم
وبقمة بهائك حملك تشيله
شما اكتب قصيده تشح الابيات
بس اكتب حسين ابيات تنعيله
شما اوصف طبرتك واذكر الطعنات
اشوف اعلام تسطع من تضويله
واشوف الحزن بافراحك مرار
ومرار جروح حزنك كلبي يبريله
خيطت الجرح وادري الطريق بعيد
وبخطوة مصابك اكصد ابجيله
اذا اكصد ضريحك واحضن الشباج
اكيد انسه الهموم وتنجلي بليله
واذا نهتف حسين نخوف الاعداء
اكيد انت انتفاضه وهذا تحليله
رحت للموت وماشفنه اجاك الموت
والموت انحنه وقبل ترابك يضحيله
اكوا الشايل سلاحه بغبرة الموت
واكوا البيهم تعنه سيوف تمشيله
وبيهم الاعطه قرابينه بشهود
وبيهم الاعطه الصبر واحزانه تعليله
مو كلمن زرع كال انه فلاح
ولا كلمن حصد شتلاته تزهيله
بس زرع الحسين الصارع الصعبات
اثمر بالطفوف انصار توفيله
محصودك جثير بموقف الانصار
وبمنجل صبر كثرت مناجيله
فرق بين اليموت بحضرتك مولاي
ومابين اليموت وطامع احجيله
احجي للطمع بالري والاموال
وانت الما طمعت طفوف ترويله
وانت الما طمعت بحكم وبجاه
خرجت اصلاح في الامه تراتيله
صبح باجر قريب تعود الطروش
واخبرك يالزرت اوصفلي اشكيله
يزيد الكفر بافعالك فسوق
ومشاهد صور للخمره باقاويله
فرق بين اليموت بحوض الاخمار
ومابين الحسين الباري يدعيله
ياحسين السفينه ومعبر اليمشون
عبرنا و الجسر جدمك تحاويله
يانبع العطاء ومصدرك زهراء
ياسبط الرسول وتلميذ الوحي وتنزيله