اني قاتل [الأرشيف] - منتديات الفرات

العلم نور

29-06-2010, 09:44 PM

أني قاتل

أني قاتل متهم لكن بريء ....... ولي يثبت أني مو قاتل قلم

هوه جان وياي في نفس المكان ....... وحتى اخر لحظة موجود القلم

جان يسألني القلم واني القتيل ....... أعترف موجود ما أنكر نعم

لكن الي صار هوه أخر سؤال ....... والقلم بي حيل حسسني بألم

كلي أنته انسان؟ لكن أنته وين ....... أنته عندي الوان في لوحة عدم

أنته أشبه لو يوصفونك سراب ....... اليشوفك ماي لكنك وهم

وستفزني بهاي لكن من حجيت ....... طاح يمي الصوت ملفوف بعلم

هوه مات الصوت بس وين الدليل ....... واثبت أني شلون من كلي القلم

أمشي جيب أوراق خل أكتب بديك ....... وشهد أن المات نفسة المتهم

جان في حالة يأس أو أضطراب ....... أو نكول الصوت من نفسة أنتقم

ورحت اجيب اوراق لكن من أجيت ....... بالظلام
بالظلام لكيت مذبوح القلم

لكيت مذبوح القلم

قصيدة سياسية للشاعر حيدر الحسناوي كتبها في بغداد سنة 1999 وألقاها في أحد مهرجانات جمعية شعراء العراق
.....

ام فيصل

30-06-2010, 06:19 AM

احسنت
وصح لسانك عزيزي على هذه القصيدة والكلمات الرائعة
اختيار جدا رائع
سلم لنا هذا التذوق
وعاشت ايد الشاعر الرائع الحسيناوي

ننتظر منك المزيد
تحياتي لك

السومري71

30-06-2010, 03:38 PM

عاشت الأيادي
انتقاء اكثر من رائع
تحياتي لك وللشاعر المبدع حيدر الحسناوي

الشاعر جلال البطاط

30-06-2010, 04:51 PM

تسلملي ياوردة ع النقل الجميل..تحياتي الك وللشاعر المبدع حيدر الحسناوي.