لاتقترب مني روح ليغاد

باجر تنطفي ناري وتصير ارماد

والعمر يتلفه الوكت ويروح

مثل ورقت شجر يمضغهة الجراد

لاتعله بعيد والبعد موزين

والطير شماعله يحط وينصاد

يل تلعب علي من ذاك اليوم

كلبي عبدالك وكلبك الجلاد

باجر من تجي ندمان تبجي

ماتلكه مكان عدنه للوغاد

كاعك مولحت وبعد متفيد

وبكاع غيرك طشينه لسماد

ميهمنة بعد لوتجي وتروح

على هاي الجروح الكلب اعتاد

ولضن الفكر بيك مشغول

امحينه اسمك خاف ينعاد

وليغيض الاهل للصلح مقبول

بس ماينقبل ليخون الزاد


http://www.shattalarab.com/vb/shatt_new/misc/progress.gif

تحياتي لكَ اخي عادل ع الاختيار الجميل..ولكن كان الواجب عليك ذكر اسم الشاعر او كتابة منقول وذلك للامانة الادبية ياوردة.تسلملي.

اشكر تواجدك اخي الشاعر جلال البطاط هي بقلمي اخوك الشاعر عادل الناجي وتسلملي حبيبي الغالي