خل تسمع سلف سفيان والاصحاب

كلمن والى حيدر ماعليه حساب

خسران اليعاديكم يداح الباب

يا اصل العدل والدين يابو تراب

ها ... حيدر اولهه وتاليهه

ــــــــــــ

خلي شمايكول يكول بينه الجار

فرحانين بويه بمولد الكرار

راعي المرجله وبيه نحتمي من النار

ولوله عيون حيدر كل خلق ماصار

مخلوقه الدنيا لحامينه

ــــــــــ

مهره الدنيه شت بيهه الفكر والبال

وغير الحيد حيدر مالكت خيال

مو كلمن يصاحب نعتبرهه رجال

وبيت الطالبيه ابطال والله ابطال

وضل حيدر عامر ديوانه

ــــــــــ

طالب جامعي وادرس يثار حسين

وكليتي العشك للعتره والطيبين

وقسمي الزهره والدر والد الصبطين

ذوله اهل العقيده وهمه اصل الدين

ها ... حيدر قاموسي وعنوانه

ــــــــــــ

انشد من يحكمه احساس مو مييال

شجاب اهل السقيفه لقلعة الابطال

وشجاب الغرب للمرسل ولل اال

بالكعبه نولد حيدرنه مو بخمال

ها ... مهده اببيت الله ونيشانه

ــــــــــــــــ
رحيم الحسناوي

اللهم صل هلى محمد وآل محمد وعجل فرجهم

هوسات جميلة عزيزي
مبارك لكم وللأمتين العربية والاسلامية ولمراجعنا العظام مولد ( حيرد الكرار ) وليد الكعبة المشرفة
جعلنا الله واياكم من السائرين على نهجهم والثابتين على ولايتهم

عاشت ايدك
وجعلها الله في ميزان عملك
مع اطيب تحياتي

بارك الله فيك اخي الحسناوي وجزاك الله خير الجزاء.