تبا للمستحيل عاش المجاهدون الله واكبر
هذه المقولة التي كانت ضريبة علينا في ايام النظام المقبور
وين ما اتروح تلكاها كدامك
في اي مكان من البيت للمدرسة للجامع للباص للمقهى للمرافق الصحية
لان الي ما يعلك هاي المقولة خائن وضد الحزب والثورة
اكو واحد مدير اتصالات محافظة القادسية في وقتها
كان مثبت هذه المقولة في مكتبه لكنه اضاف عليها عبارة اخرى
واصبحت العباره على الشكل التالي
تبا للمستحيل عاش المجاهدون الله واكبر
وانعل ابوه وامه الي ما يشتغل
فقام احد اللوكية بكتابة تقرير بهذا الموضوع الى الحزب ووصل الموضوع الى ديوان رئاسة الجمهورية
بان هذا المدير
يحور
ويغير
ويضيف
على كلام القائد الحفرة
وهذا جرم يعاقب عليه القانون
ارسلوا بطلب هذا المدير الى مقابلة الرئيس اللاضرورة ابو الحفر
فقال له
يابه عليش تلعب بكتاباتنا
ها
قال له المدير
سيدي
كتاباتك على عيني وراسي
واستغفر الله
بس هاي عدنا بالعشاير ما تشتغل
مال تبا للمستحيل
لكن من اتكله انعل ايد امك وابوك اذا ما تشتغل


يذب حيله كله ويشتغل مثل الساعة وبكل جهده
بس لاتنعل امه وابوه


فلهذا اني وضحته الهم


فضحك الرئيس وعفى عنه
ـ ـــ ـ ـ ـ ـ
اليوم شاهدت صورة
تنطبق عليها مقولة الرئيس والمدير
شوفوا العراقين اشلون يصنعون المستحيل
في عراق الدي مقراطية
عراق النفط المسروق
عراق الثروات المنهوبة
عراق المليارت المحولة لحساب شعيط ومعيط
عراق صوجي لعبة بوايره
عراق الي صار للي ما يعرفون الفاعل من المفعول به
عراق المحاصصة
عراق اللادستور
عراق تبقى جلسة النواب مفتوحة حتى اشعار اخر
عراق الي بلا حكومة دستورية
شوفوا اشلون وصل حال العراقين ووين صاروا يفكرون
اشلون يتخلصون
من
الحر قاتل
بعد ان ملوا وعجزوا من
ووزير الكهرباء بس كلام في كلام وماكو كل نتيجة
شوفوا حال المواطن العراقي اشلون في موقف تجمع وانطلاق الحافلات
يعني الكراج الموحد
شوفو اشلون الحكومة المرتبة مالتنا اداري المواطن حتى وان كان في الشارع
تهيء له الجو المبرد ابتداء من الدائرة الى الكراج الى البيت
وكولوا الحكومة مو زينة
ليش
مو هاي حكومة معدلة ومرتبه واستادية بكل شي
شوفوا العراقي اشلون سوى تبا للمستحيل
ـ


ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ


ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ
ـ


http://up.foraten.net/uploads/9245c4c3b8.jpg (http://www.foraten.net/)

لا حول ولا قوة الا بالله العلي العظيم

شر البلية ما يضحكُ ..

عمي معدلة ومرتبة مية مية ....:20:
على كولت واحد مختل عقلينا كفانا الله وياكم
كل ما نشوفة نكله ها ابوكريم شلونك اليوم :
كال مية مية منطلق جو جوي يعني اترجمها الكم
( 100% ومنطلق جو جوي = يعني محلق وطاير بالجو )

سبحانة ربك ...
ربك اخذ منه العقل وخلاه يحس بكل شي حوله مية بالمية ودائماً منطلق ما تهمه الدنيا وما بيها ..!!:3:

كل الشكر لموضوعك القيم

الحـر ,,,

اييييييييييييييييي ياابو كاطع هذا الحجي الي يوكع عالجرح


واريد اسولف لان ميت من الحــــــــــــــــــــــــــر


والجو عبارة عن فرن مال صموووووووووووون


ياخويه تدري اني سويت احصائية وبحث ان العراق البلد الوحيد ما بيه كهرباء


كل الدول الجوعانه والمنتهيه البنيه التحتيه مالتهه عدهم كهرباء واحنا ماكو



يعني بشرفك حكومه ما تكدر تسوي كهرباء


ولكم وين هذا الشفط وين اللفط ما تكلولي وين هاي خيرات العراق راحت


لا يجيني واحد ويكلي ارهاب وكباب ومن السوالف التعبانه ادري ما خلص الارهاب


اشو كل يوم يطلع بلبل فرض القانون يغرد ويكول لزمنه فلان ابن علان



ادري شنو قابل كل العراقيين ارهاب ولا تذبونه على شعيط ومعيط


من هاي المليارات الطايره سوه بيه الكهرباء



ليش الكهرباء بس بالمنطقة الخضراء



تعرف اني في احد المحافظات قبل يومين كهرباء بس ساعه ونص و22 وعشرين ساعه ونص ماكو كهرباء شنو من بلد هذا


يعني العراقي خطيه من الصبح لليل يكرض والعشه خباز على مود يرجع بيده كيلو طماطه وهل القاسمه الله لعياله


\ويريد ينام شويه على المبرده


شلون بالله يبدل ايده الى ايد اصطناعية ويبقى يهفي للصبح



عمي والعباس هذوله ما يستحون وماعدهم لا ذمة ولا ضمير


وماادري العراقيين شوكت ينهضون شوكت ينتفضون هي موته موته اطلعوا وعلكوه وانعل ابو الجابهم علينه


اللهم اللعن كل واحد بالحكومه نايم على التبريد بالخضراء والعراقي الفقير محموس حمس و يبجي من الحر


تدري يااخي ابو كاطع ان ارزاق العراقيين اكثره على الكهرباء اكثر الناس شغلة على الكهرباء


يعني شلون يبقون على المولدات يشتغل بيهن منا يذبهن على الكاز لو البانزين


وما شاء الله البانزين والكاز كلش رخيص :3::3::3::3::3:



\يابه لو يسوون تبرعات من الشعب العراقي على كل فرد 10000 دينار وخل يسون الكهرباء هم ميخالف راضي الشعب اللغو فلوس العراقيين بس سوو الكهرباء مو راح انموت هي ولد القــــــــــــــــــــــــــــــــــــــــــــ... .................................................. .........



مع تحياتي لابو كاطع وبيه حجي لو سنه ما يخلص

الحاجة ام الاختراع والعراقيين صاروا مخترعين درجة اولى وواسعة بسبب الحاجة قصدي الحاااااااااااااااااااااااجات
تخلص ياعراق ويردلك شبابك
الله كريم ومتضيج الا تفرج ونبقى نردد هالعبارات الى ان يفلهه رب العالمين


الاخ ابو كاطع الوردة ياصاحب المواضيع المميزة ربي لا يحرمنا من حضورك وجزاك الله الف خير
مشكور على هذه الجهود الرائعة
تحياتي واحترامي

كلها تحجي عالكهرباء
يابه والله احنا عدنا وللصبح

ههههههههههه اضحك الله سنك يا اخي

الحمد لله رب العالمين ... ولا حول ولا قوة الا بالله العلي العظيم


مشكور خوية ابو كاطع

لاحول ولاقوة الابالله العلي العظيم

اللهم اهدنا واهدهم