قرر الأب إذا نجحوا كل اولاده يوديهم في الصيف لفرنسا...


انبسطت منيرة كثير لما سمعت هالخبر... لأنه صار لهم زمان ما سافروا...


من أربع سنين أو خمسة...


المهم شدت البنت حيلها في المذاكرة وأخوانها زيها... وجت نهاية السنة


ونجحوا كلهم وسافروا مثل ما واعدهم ابوهم... كانت منيرة مبسوطة بس


فيه شي منكد عليها كل السفرة... ومخلي الأخلاق في النازل ...


أبوها شرط عليها ما تشيل العباية... يا عباية يا ما فيه سفر ... رضت منيرة

راحت بالعباية والطرحة محجبة بس ... البنية أول مرة تسافر بعد ما كبرت...


كانت ماخذة راحتها أول ... لكن الحين خلاص (البنت كبرت)...


تمشوا وراحوا وجو وما خلوا مكان في باريس ما اندعسوا فيه هع...


المهم العيال ضلو يلحون على أبوهم يريدون شاطئ يسبحون... ونزلت الطامة الكبرى


على منيرة!!!... وشلون تروح لشاطئ بعبايتها؟!... كيف تشوف أخوانها


يسبحون وهي لأ؟!!... طبعا ما لها إلا تستسلم وتطس معهم... راحت


اختنا وهي مطنقرة... وبينما العيال يسبحون ويمرحون (الله يفكهم من شر عينها:66 (45):)


راحت هي على جنب وقعدت لحالها من زين الأخلاق


وقامت تتطلع بخلق الله... وبينما هي كذلك (حلوة قلبت العربي)


لمحت ذاك الشاب الفرنسي اللي مووووووووت... يجنننننننننن


طوييييل...ووسيييييم... وجسمه عضلااات... ولونه برونز


وشعره متروس جل... ولابس ذيك النظارة الشمسية الماركة... طالعها هو وابتسم...


راد بغى يغمى عليها يوم شافت صفت اسنانه :1::1:... ابتسمت هي كمان ...


قام ومن باب الميانة قرب قرب قرب لحد ما جلس جنبها...
طبعا أكيد تسالون عن حالها هع


متنحة وبنفس الوقت مستحية

خايفة يشوفها أبوها تحاكي ذا الاطخم يقوم يسفرها لديرتها دايركت


التفت عليها أبو الشباب وانفلت بالحكي... طبعا هي ما صدقت

... هو شافها توزع هالابتسامات

قام سألها:

do you speak English.....?





هو سأل ولا ما سأل رادت تبوس راسه البنية...


على طول يييييس...


ودار بينهما الحوار التالي:


أبو الشباب: أنتي من وين شكلك مو فرنسية


(أنواع المجاملة لعد هذا شكل فرنسية تتشمس بعبايتها؟!)


منيرة: أنا من المملكة العربية السعودية

طبعالا تنسون إن كل هالبربرة بالانجلش.


أبو الشباب: (وهو متحمس) كيف وصلتوا هنا؟


منيرة: وصلنا من كم يوم عادي.!


أبو الشباب: بس كيف عبرتوا البحر؟


منيرة: أي بحر ما مرينا على أي بحر رحلتنا كانت دايركت الرياض باريس.


أبو الشباب: (مستغرب) يعني ما جيتو على الجمل؟؟!!


منيرة: (كن احد مدغدغها) أي جمل انت تمزح جايين بطيارة لا
بالجديدة بعد أم شاشات (يا شين السرج على البقر)


أبو الشباب: عندكم طيارات؟؟


منيرة: إيه عندنا ليه وش فاكرنا؟؟


ابوالشباب: أنا اللي اعرف عن السعودية إنها صحراء قاحلة والناس


يتنقلون فيها بجمال والحريم يركبون وهم متغطين على الجمال والرجال
وراهم شايلين براميل البترول...!!! الخ


منيرة: وين يا عمي وش ذا إحنا عندنا كل وسائل التكنولوجيا في
ديرتنا... سيارات وطيارات وكمبيوترات (عاد أهم شي) وموبايلات وانترنت


والشوارع متطورة وترى عندنا فيصلية ومملكة واعلى نافورة..



- أبو الشباب: اجل آسف أنا فاهم شي والواقع طلع شي أخر، بس أنتي ليه ماتسبحين؟


منيرة: مقدر اسبح لأني محجبة


ابو الشباب: اشوا انتي مو منهم؟


منيرة: من مين؟؟


أبو الشباب: اللي متشوهين


منيرة: أي متشوهين؟؟؟؟!!!!


أبو الشباب: الحريم اللي يغطون وجههم عندكم متشوهين صح؟


منيرة: لا طبعا أي متشوهين الموضوع مو تغطية بس ديننا هو اللي فرض
علينا كذا درءاً للفتن (أبو الفلسفة) أنا هناك أغطي وجهي مثلا أنت شايفني مشوهة؟


ابوالشباب: لا أبدا أنتي جميلة ولونك حلو، بس مو حرام جميلات زيكم يضطهدون؟


منيرة: ليه يطصدو... يظهدون... يظطهون...المهم اللي هي ..من قال إن إحنا كذا؟؟؟


أبو الشباب: مثلا ممنوعين من السواقة


منيرة : مين قال لك إن إحنا أصلا نريد نسوق
كل حرمة وبنت لها سواقها
الخاص ليه بعد نسوق


أبو الشباب: طيب ما يقبلونكم بأي وظيفة بس مدرسة صح؟


منيرة: الدولة الله يعزها ما توظف بناتها إلا في وظايف تناسب قدراتها
بس مو بس تدريس البنت السعودية طبيبة وصيدلانية وسيدة أعمال وموظفة
حكومية بس الأغلب في قطاع التربية لأنه هو الأقرب لطبيعتنا البنات.


ابوالشباب: بس مانعينكم عن المناصب الكبيرة مخلينها للرياجيل بس هذا لا تقولين لا


منيرة: ( أخذتها العزة بالإثم وقامت تألف) من قال كذا أصلا أنت ماخذ
فكرة مرة سيئة عنا المراة تتقلد مناصب كبيرة حتى أنا بالامارة خالتي وزيرة.


أبو الشباب: متأكدة؟ أنا اعرف إن السعودية ما فيها حريم في حكومتها


منيرة: كل معلوماتك غلط قلت لك خالتي وزيرة


أبو الشباب: شكرا على تصحيحك لمعلوماتي وبهالمناسبة أنا عازمك الليلة


على خروجة (قلط أبوالشباب)


منيرة: وين عازمني؟(متشققة)


أبو الشباب: فيه بار جنب بيتنا أمرك ونروح له


منيرة: ويييييين إحنا ما عندنا هالشغلات إحنا مب حقين بارات ديننا
محرم علينا الشرب والرقص والاختلاط والتبرج أولا وبعدين حرام اطلع أنا
وانت لوحدنا هذي تسمى خلوة


أبو الشباب: يعني ايش خلوة؟؟


منيرة: يعني بنت وولد ما يعرفون بعض ولا محرم لها يجلسون في مكان لوحدهم


ابوالشباب: طيب وأنتي الحين قاعدة معي هذي مهي خلوة؟


منيرة: لا هذا مكان عام ما فيه حواجز ومليان ناس


ابوالشباب: عالعموم أنا اكرر عزيمتي


منيرة: وأنا اكرر رفضي


أبوالشباب: ترى إذا قمت ما فيه تغيرين رأيك


منيرة: لا ابد


قام أبو الشباب ومشى خطوتين وبعدين رجع لمنيرة وهي على جلستها وانحنى


عليها ونزل نظارته على طرف خشمه وطالعها بعيونه وقالها بالسعودي:

.
.
.
.
.





لكل بنت سواق عديتها لك بمزاجي..




لكن خالتك وزيره هذي قوييية...




هههههههه طلع الولد سعودي
ههههههههههههههههههههههههههههههههه

ههههههههههههههههههه يبووووووووو كل هذا طلع سعودي
شلون فشله يسلللمووووو على هالموضوع الرائع
تقبلي مروري

هههههههههههههههههههههههههههههههههههههههههههههه
حلوه جوري
بس عجبتني منيره واثقه من نفسها جدا ههههههههههههههه
عاشت الايادي حبيبتي
دوم الابداع
قبلاتي

جميل جدا ههههههههههههههههههههه

هههههههههههههههههههههه
موضوع جميل جدا
شكرا اختي العزيزه
على الموضوع المضحك
تحياتي