لا جيت ابنسى واتراجع واسامحك
ــــــــــــ صاحن جروحي واشتكن لي طعونك!!

كلك خيانه قول وشلون ابمنحك
ـــــــــــ وش موقـفك من شخص دايم يخونك!!

اكبر خطا.. لو جيت يمك اصالحك
ــــــــــــ اول تحول .. لاتـغرك .. إلحونك

اللي تـقوله صح لو كنت جارحك
ــــــــــــ (مير) انت غارق للاسف في ظنونك

وصفك نسيـته بس .. باقي ملامحك
ـــــــــــــ بنهيك وانهي بالنهايه .. جنونك

ماتستـحق امد (كفي) واصافحك
ـــــــــــــ مثلك غلط عمري وابحيا .. بدونك

لعبت دورك شاهدات ٍ مسارحك
ـــــــــــــ خدعتـني واظهرت خافي فنونك

كنت اعتـقد قلبي هو ابرز مطامحك
ـــــــــــــ اللي يبيع الناس .. لجله يصونك

تعـبت اسوق الشوق يمك واصارحك
ـــــــــــــ اخلصت لك بالحب شوفت عيونك

لكن خسارة صرت غاية مصالحك
ــــــــــــ ياليـتـني ماجيت لحظه .. بكونك

بالامس كنت بـنشوة الحب .. امازحك
ــــــــــــ اخيل برقك واتـحرى امزونك

واليوم من صفحة حياتي ابمسحك
ــــــــــــ هديت صرحك ثم طاحت ركونك

ولابي عيوني لو تصـورت تلمحك
ـــــــــــــ اعلنـت موتك .. وانـسجن لي كفونك

وان جيـت تطلب ترتجيـني .. اسامحك
ـــــــــــــ بهديك طعنه من بقايا .. طعونك
مع أجمـــــــــــل تحياتي..

قصيدة كلماتها تعج بألم الخيانه
هذا الجرح الذي لايندمل
تاركا اثرافي القلب وحسره في النفس وانكسار في الروح
تحياتي لك ولحسن انتقائك

تحياتي لك يا أخي العزيز


يا سومري

الحزين
تقبل مروري
دعائي لك بالتوفيق
تمنياتي لك بالخير والسلامه

أسرني وأسعدني

مرورك وتدوين أسمك في موضوعي البسيط

تحياتي وكامل ودي

تحياتي لك ياغالي