اكصد موسى بن جعفر -*-شعاع عله الارض منصوب
كظيم الغيظ بافعاله -*- ويالصبره صبر ايوب
-*-
لوأن كاصد ابو السلطان-*- توصل للجسر وانظر
تناشد يالجسر حامل -*- جنازة موسى بن جعفر
امام السابع يشيعون -*- شفيع بساعة المحشر
مضه مسموم والينه
صريع هموم بسنينه
وشفيع الشيعته ودينه
حمل تاج الامامه وسار -*- وتعنه للسجن محجوب
-*-
يالزاير اخذني وياك -*- للكاظم تريد اتروح
نشف دمعة الزهره -*- واطلب حاجتك بالنوح
اخذ مرادك بلهفه -*- والحاجه بديك اتلوح
زوارك لفينه اليوم
وندحر ناصبي ومغشوم
ونضمد الجرح ملجوم
ياجرح السجن ماطاب -*- هذا مقدر مكتوب
-*-
عله الي فارك اعيوني -*- الكاظم من مشه البغداد
ترك جمره بوسط روحي-*- من راح وبعد ماعاد
تراني فاطمه بنتك -*- لفيتك للسجن باوتاد
انصب مأتم اضعوني
وعله نعشه تودوني
يابويه وراحن اعيوني
رجعت من السفر بضعون -*-وضل يبري سواد الثوب
-*-
لفينه وبالصدر شوغات -*- نعزي الزهره بالصابر
ياناعي الكاظم احجيلي -*- المأتم عالجسر باجر
بنهار الجمعه حزنانه -*- الكاظم بالسجن ناطر
نطر وياك دلالي
وتشيعك هدم حالي
المدينه امفاركه الوالي
عله فراك الولي لوطال -*- ننطر والصبر مطلوب
-*-
من سجن السجن منقول-*- لآبن شاهك يودونه
حسافه الكاظم الصابر -*- بسجن طامر يخلونه
غريب مفارك الوليان -*- بديره امعلمه اضعونه
عالعاده يموت انسان -*- اهل بيته يشيعونه
يباصر للمدينه بشوك -*- وتشابح للرضا اعيونه
هنيأ ياجسر بغداد -*- حملت الكاظم امتونه
اعاتب للنعش لوسار
وترك لوعه وحزينه الدار
وبجسر الولي تذكار
ياجسر الامام ارجوك -*- ترفق بالولي المسلوب
----****-----****----

السلام على المحبوس في ظلم السجون
السلام على راهب آل بيت محمد (ص)
السلام عليك ياسيدي ومولاي ياموسى الكاظم
اخي سامي الكعبي
بارك الله فيك وحشرك مع محمد وآل بيته الطيبين الطاهرين
دمت بحفظ الرحمن

طيب الله انفاسك عزيزي
ودام لنا هذا المداد المبارك
كل الشكر لك على هذه القصيدة
ونرجوا الإلتزام بنشر موضوع واحد باليوم في القسم الأدبي

مع تحياتي لك

تحياتي الى الاخوه الاعضاء السومري وام فيصل على المتابعه لكتاباتي اشكر مروركم وفي ميزان حسناتكم انشالله