((انساك ))




أني ماناسيك اقسم....... باالاله



وأنت تعرف ذمتي وأيماني



بعد اكثر من قسم شنهو التريد



انت عايش وحدك..... أبوجداني



وتدري صادق ابد ما أكذب عليك



وأنت تعرفني شكثر حگاني



بيش احلفلك بعد..... وبيا يمين



اني ماأنساك........ لو تنساني



وتدري انت بغير شخصك مااعيش



أنت اهلي... وعزوتي.... وخلاني



اني اهواك بفرط حد الجنون



واسألك ياصاح هم تهواني؟؟



وأنت هم مثلي تعاني وبيك نار



ومثلي گاعد علجمر ومتاني



ورغم كل هذا ابد لا ماشكيت



ومؤمن بحبك قدر رباني



ورغم كل هذا وبعد عندك شكوك



وجرمتني وتعتبرني الجاني



وأني في حبك أنا المجني عليه



تعبتني ودمرت كل اركاني



مرة ردت اشكي الك بس ماصخيت



حاولت احچي ومنعني لساني



وگلي اسكت مو حبيبك وأستحيت



وعلعتب الالسان مارهاني



ومن گعدت وياك كل همي نسيت



وگلبي يتحلف ألي أووصــــــاني



لاتغث ولفي ترة ازعل عليك



ولاتزييد حسرتي وأحزاني



وهدد أيوگف علي ضخ الدماء



وأدري بيه مسودن وشيطاني



وتتهمني أبزور وتگلي نسيت



وأنت أسمك ما يعوف لساني



أشتهيتك وأشتهيتك وأشتهيت



أشبگك حيل واريح أحضاني



وكون الزمك بيدي ماهدك خلاص



ألا عالشفة احط نيشاني



گاعد وأنطر على دروب اللقاء



يمته افرح والتقي بوجداني



يمته افرح والتقي بوجداني



للشاعر

حــاتــم الهــاشــميـــــ

عاشت الأيادي اخي العزيز على هذا النقل المميز
قصيدة رائعه في المعنى

تحياتي لك وللشاعر حاتم الهاشمي

تحياتي لك يا أخي الغالي يا سومري

مشكور عزيزي على هذه القصيدة
احساس جميل وكلمات اجمل
دام لنا هذا العطاء
والإختيار المميز

مع تحياتي لك

مشكوره على هذا المرور الجميل
يا خالتنه العزيزه أم فيصل


تحياتي

شكرااخي العزيز لنقلك الكلام الجميل والتعبيرالرائع

تسلملي على المرور لجميل

تحياتي

نقل رائع سمسم الحزين شكرا لانتقائك

هذا من ذوقك الجميل
يا جميل

يا أبو سجاد

تحياتي لك

أنته العايش يلغلا

أسعدني مرورك

تحياتي