من فيض الشيم وتعلت الرايه ... لام الدك رحاهه وساجي الضمايه

ــــــــــــــــــــــــــــــ ــــــــــــــــــــ ــــــــــــــــــــــــــــــ ــــــــــــــــــــ ــــــ

هاي ام البنين ام البطل عباس ... وام ثلث اسود ومنبع النوماس

عالي الراس بيهم يبقى عالي الراس ... زلم الحنت بدم النحر رايه

ما هملت دمع بس لمصاب حسين ... بعد الزهره مثل الحره ماكو ثنين

ضحت باربعه وتصيح بعده الدين ... يادين اليوفي البالذكر ايه

شبان التساجت بالمهد غيره ... بيهم ال اميه ضلت بحيره

واحدهم نضيره بخنصره يديره ... بغارتهم دموم اهل الدنه جرايه

حيل اهل المكارم ما يصده الحيل ... طوفان الشيم بيهم يسبكه السيل

شنهي حشود اميه السوده شنهي الخيل ... ذوله سباع حيدر بيهم كفايه

يا ام الوفه عليج الدمع جاري ... وتلهب كبره بيه وتشتعل ناري

ياحره الحزن يم داري ضل ساري ... وعلى فكدج يفيض المدمع دمايه

شابت بالمدامع بيه كل الروح ... وجروح الحياده ما مثلهه جروح

تبجي الدنيا لمصاب الطهر وتلوح ... وانصاب العكل وتحير برايه

يفديج العمر يالحره وسنينه ... ويفدي الساجه بدموم النحر دينه

ودك روس الزلم من صاحت سكينه ... ومن شافه الفرات تبره من مايه
رحيم الحسناوي

السلام على سيدتنا ومولاتنا ام البنين سلام الله عليكِ وعلى اولادك الأسود الشجعان
اخي الحسناوي
بارك الله فيك وجعله في ميزان حسناتك
خالص تحياتي

عطر الله انفاسك اخوي الطيب
السلام عليك ياام البنين
قضى الله حوائجنا وحوائجم باذنه تعالى

تمنياتي لك بالمزيد من الابداع
تحياتي