ليش الفقير انظلم وماشاف بس هموم




وليش الوكت بالعكس وياه محرب دوم



مومثل باقي البشر مخلوق هم من طين



لوهو راضع حزن وعله القهر مفطوم



خلصن اسنينه تعب ويكول سهله تهون



ومانسه الربه الطلب واده الفرض والصوم



ويكول شدة وكتب باجر ترد وتعود



مايدري دنية غدر تلعب عليه كل يوم



وسير عليه النجم ويكله يمته اتنام



والنوم من ياوكت يتراضه وي مهظوم



ياكلبي شمعك طفه وجلجل عليك الليل



دصرخ وصيح الضوه بلجن يفز ويكوم



بشرنه وك ياضوه وكول الشمس طلعت




وامسح عيون المطر خل تصحه ماكو اغيوم



يادنيه كافي بعديازي الي شفته سنين



مذبوح بيه الفرح من زغري وك معدوم



يادنيه حكمج ظلم واعليه لتحكمين



الباك مامتهم المبيوك ظل متهوم



هيهات مااصدكج كذابه لتحلفين




للخدم خيرج صفه والحر يظل محروم



ليش الزرع ماحوه بس بالعيون يشوف



وعالحاضر الي اجو شالوهه كوم بكوم



ياشعر بس بطلت حدي ويه حدك هاذ



مااريد ابقه جرح يوميه اظل ملجوم



انطيني ياما اخذت ماظل بعد كلشي



تدريني ماقصرت ردلي الجميل بيوم



وياك ماقصرت هلبت تحس فد يوم



زماني الي طعت امره تمرد



عصاني وكطع اكليبي تمرد



سالني وجاوب الساني تم الرد



كتله بلا رحم لاتكصي بيه



تقبلوا تحياتي



سفيرة الشعر

اختي الشاعرة المبدعه
لقد جعلتي ادمعي تنهمر
وقلبي مليء حسره ووجع
لقد وضعتي يدك على جرح لم يندمل
وحقيقه تكاد تتكرر في كل يوم مع الكثير
شكرا لهذا العزف المنفرد
الذي اسر القلوب
خالص تحياتي

:66 (46)::66 (46):الاخ الغالي السومري:66 (46)::66 (46):

تعودت عند كتابتي اي قصيده

ان اعيش الواقع ايا كان فرح او

حزن او حب او غزل اواي حاله

اخرى وبهذه القصيده عشت الواقع

المرير لمن ظلمه الزمن ليس

المهم ان اكون انا لاني اكتب

معاناة الاخرين :66 (46)::66 (46):

كلك ذوق يامتالق دامت لنا ردودك

القيمه العذبه:66 (46)::66 (46):

كنت هنا
اترك الصمت ربما هو خير معبر احيانا
طال عمرك

رااااائع جداً
كلمات بمنتهى الروعه والرقي والابداع

تحياتي لكِ

تدريني ماقصرت ردلي الجميل بيوم



وياك ماقصرت هلبت تحس فد يوم





احسنت اختي كلمات ومشاعر رقيقه وجميله جدااا
تحيتي لك

:66 (46)::66 (46):الكناري يونس الجبوري:66 (46)::66 (46):

دام احساسك الرائع المتميز فيما اكتب


ياغالي تهمني ردودك كثيررررا ياصاحب احلى


ذوق شكرااا لمروره بقصيدتي:66 (46)::66 (46):

الى الصروح العاليه
الكناري يونس الجبوري
حسام الصياح
ابو سجاد الركابي
شاكر الهلالي
وبكل تأكيد انتي ايتها السفيره قمه الجبل
انتم ايها الصروح تجعلوننا نعيد النظر في انفسنا
لنكتفي بأن نكون قراء...لأنكم اهل الفن
انتم الشعر الشعبي
انتم نبض الفرات
ادامكم الله وادام ابداعكم..ومن ابداع الى مثله
تقبلي مروري سيدتي السفيره
تمنياتي للجميع بالخير والسلامه

:66 (46):الغالي زهير العقابي:66 (46):

مرورك وتواجدك بقصائدي يزيدني فرحا

فبمرورك اشعر بكمال القصيده وتالقها


وان كنا صروحا فانت الجبل الشامخ القوي


لا حرمنا الله من ردودك وتواجدك ياغالي

احترامي وتقديري:66 (46)::66 (46):