لاتزعل علينه گلوبنه تذوب
ماتدري الزعل شيسوي بينه
مثل ماتنذبح شمعه بسهم ريح
عصرنه الليل بعدك وانطفينه..
گلنّالك نحبك تزعل شبيك؟!
عسه لاگلنه عمي ولاحچينه
مدينتنه ظلام وعينك هلال
دفك شبّاچ عينك عالمدينه ..
يطيحن فوگ اديك سنينه دموع
غير وداعك شطايح بدينه
گمنه نخاف من عيونك عليك
گبلك چم نهر كاتلته عينه
ولاتضحك ضحكتك ترست البيت
عيون البيت تحسد مو أمينه
ولاتبچي أعله خدك لؤلؤ يطيح
أحنه بطرگ خدك وانعمينه



وأكسر باب گلبي بعينك وفوت
المايفتح ألك تنشل يمينه
واوگف لاتدگ باب الگلب نار
بس أشرلي بيدك وانه افتحه
كتب گبلك جروحي ودمعي والآخ
أعله مودك شگگتهن صفحه صفحه...
مو حسبالك أضحكلك بطر.. لا
ولا آنه الخلي وبجروحي شحه...
بس ضميتهن حته أنت ترتاح
وحته أحساس (أحبك) ماأجرحه
فرحني بعد لاتبخل وياي
گبلك ماشفت بالدنيه فرحه..
خناجر كلهه چانت گبلك الناس
وآخرهم شهگ يم گلبي رمحه
واريدك خلگ سيف تجيبلي وياك
وخلگ الذكريات البيه أذبحه...
حته انسه النسوني وسدوا الباب
شكتبوا وشخذوا من بالي امسحه....
وأرسمك يم صفنتي عيونك تصير
لوحه الماطرت من عدهه لوحه
وندوخ اثنينه ومانصحه للموت
نصحه المن! عمر مايسوى نصحه!!
منقول

وأكسر باب گلبي بعينك وفوت
المايفتح ألك تنشل يمينه
واوگف لاتدگ باب الگلب نار
بس أشرلي بيدك وانه افتحه
كتب گبلك جروحي ودمعي والآخ
أعله مودك شگگتهن صفحه صفحه...
مو حسبالك أضحكلك بطر.. لا
ولا آنه الخلي وبجروحي شحه...
بس ضميتهن حته أنت ترتاح
وحته أحساس (أحبك) ماأجرحه

اختي العزيزة
نور الفرات
كلمات جدآ رائعة تنثرها لنا انامل ذهبية
قد احسنتي الاختيار فعلآ
قصيدة تحمل بعاتقها كل انواع الحزن والالام
فلكي مني ارق تحية وانزك سلام
تحياتي وتقبلي مروري

حلو حلوووووووووووووووو
يانور الفرات
شعر رائع جدا
تقبلوا مروري

قصيده رائعه
واكثر
اسمحيلي ان اهديها
الى
الاشتر
labed_20
زهير ناصرالعقابي
هذه هي اسماؤك....؟
تحياتي واحترامي
اليكي
نور الفرات
ارجو تقبل مروري

شعر شعبي جميل جداا
احسنت الاختيار غاليتي

مدينتنه ظلام وعينك هلال
دفك شبّاچ عينك عالمدينه ..
صوره رائعه هزتني .....هذاالبيت لوحده يكفي.......شكرا من الاعماق لك أماني كل الأماني لك باالتوفيق حميدالشيباني