من طبع الصبر ياكل حلاة الروح ... وعلى جرف المدامع يعتني عنايه

بس وي الحياده يشيب بيه الراس ... وبفيض الاكابر ينتحر مايه

ابعد ياصبر عن قلعة الثوار ... ماترهم ضرير يصير تجايه

ويا صبر اليحط راسه ويه حيل الكون ... جذاب الصبر متوهم برايه

رككز بالنضر يبعيد وانته تشوف ... ام عباس صارت للوفه مرايه

من ام البنين اخذ الفخر والزود ... واخذ رجال جسره وبيهه الكفايه

واخذ سهر الليالي البججه عين الليل ... من ام العضيد البالصبر ايه

حوت فخر ومكارم واعتلت نبراس ... بنت الدكو بكل معترك ثايه

شنهي الزود يم زودج يفيض الطيب ... وانتي من النجوم اعلى بالف بايه

شوصف يا وصف شنهو الوصف وياج ... شنهي الجلمه يمج شنهي الحجايه

وفيتي شبول دمهم ينتفض كرار ... والعباس بيهم شايل الرايه

هز راس العلم عباس لوح بيه ... ولن خيل الاشاوس تصهل وجايه

جزو حد المنايا وجردوله سيوف ... منهم صارت الصعبات شجايه

ثلاثه تعنو حشود الضلال بزود ... وكل واحد تكابل وي الف رايه

صل صوت السيوف وطاح صبر الغيض ... وصار الموت بيهم حاير برايه

علت صيحاتهم عندك يبو الحملات ... ودموم اهل المجايد صارت جرايه

فزع حيل الارض طوفان واعلى الصوت ... وذل حس العدو للمكبل جبايه

طفح سيل المراجل والشهامه تلوح ... غيره تهندمت من الشيم صايه

السما صارت تلم غيوم للميدان ... ومطرت حي صكور البيد نخخايه

زينب صاحت الدنيا بحما الشبان ... وبشارب جفيل الحره الضمايه

خلف ترب الارض من الدموم اللون ... وجيوش ال اميه نسللت سلايه

وين البيهه صبر الحيد خلهه تشوف ... زلم الباعت وللموت شرايه

كبل لا تنسبي الاطفال والرضع ... سبو ولد الاصيله العايل سبايه



رحيم الحسناوي

تحياتي الك ياوردة وطيب الله انفاسك وحشرك مع مولاتنة ام البنين عليها السلام...بس ما اعرفت هاي كلماتك لو منقولة؟؟ ارجو التوضيح مع امنياتي الك بالتوفيق.

الأخ رحيم الحسناوي
قصيدة رائعة صور جميلة
معاني راقية مثل الصبر
أدامك الله لنا
وتسلم يمينك
هم الصبر زين
وما بعد الضيق إلا الفرج هيج يقولون
قصيدة راقت لمسامعي بكل ما حملته في ثناياها
تحياتي لك و قلمك المبدع

جزاكم الله الف خير ووفقكم ورعاكم بحق امير المؤمنين عليهم الصلاة والسلام , دعائي وتحيتي مككرين للاستاذ خليل الشرابي والى الاستاذه ام فيصل والى المدير العام المحترم , خادم خدامكم

الله عليك يا اخ رحيم
قصيدة جدا جميلة ورائعة
كلماتها تهز المشاعر
امتعتنا حقيقة اخي الغالي
دمت لنا والله يوفقك
تحياتي لك

اهلا وسهلا اخي الغالي رحيم
ويارب تلتحق بركب الفرات وشعراء الفرات الكبار
قصيدة رائعة كلماتها
دمت مبدع وننتظر المزيد من بوحك الرائع
لروحك ارق المنى تقبل مروري
اختك طيبة النجف

جزاكم الله الف خير وعافيه ووفقكم بحق باب الحوائج عليهم افضل الصلوات واتم التسليم , خادم خدامكم

كل الشكر والامتنان على روعهـ بوحـكـ ..

وروعهـ مانــثرت .. وجماليهـ طرحكـ ..

دائما متميز في الانتقاء