أحترمك نعم .. وعيوني هاي انطيك
وانته الروح كلهه وروحي هاي انته




لكن ما احبك بالعواطف ذيـــــــــــــج
خلص حبي حطب والنار حركتــه




صحيح اضحكلك اني وأبتسم وياك
واشاقيك بسوالف لو ضحك ..نكته ..





قريب انته علي وتهمني كلش حيل
ابـــــــــــــــــن خال الكلب انت وابن عمته





صح جنت اني احبك حب شخص مجنون
وافكر بس بديك وخدك البستــــــــــــــه





بس فات العمر والماضي مثل الريح
يمر بكل شخص ويذكره بقصته





ولو قصتي انتهت ... بس تبقه فوك الراس
يا ورد الورد كل شعري عطرته





يالطبعك وفي صدكني مامجروح
داويت الجرح مايوم عذبتـــــــه






خلينه اصدقاء وللنهايه نصير
والذكرى نهر شمس الله بخرته






لتحير شجرالك لا تلوم الروح
كل انسان شايل بالجفن علته



الف مره اغلطت وياك واتعديت
والف مره جرحتني ودمعي نزلته




هاي الدنيه اضحك لاتدير البال
همك ويه همي بليل كاسرته




شربته بكاس عمري الماعرف يرتاح
وغصبا عالوكت كل جرحي خدرته




غصبا عالوكت ما ازعل اني وياك
ولا اخلي العواذل بينه متــشــــمته





صفحه اجديده فاتح .. صافح ايدي شبيك
معذور انته كلبك والله سامحته





وتبقه اكثر شخص كلبي نزفله اشعار
وتبقه انته الصديق الغالي ...تبقه انتــــه

_______

للشاعر .. صهيب السامر

هاي الدنيه اضحك لاتدير البال
همك ويه همي بليل كاسرته




شربته بكاس عمري الماعرف يرتاح
وغصبا عالوكت كل جرحي خدرته




غصبا عالوكت ما ازعل اني وياك
ولا اخلي العواذل بينه متــشــــمته


الأخت نبع المحبه
جميل ما انتقيتي
تحياتي لكِ

شكرا لك اخي المحترم

على تواجدك العذب

لك تقديري

يالطبعك وفي صدكني مامجروح
داويت الجرح مايوم عذبتـــــــه







خلينه اصدقاء وللنهايه نصير
والذكرى نهر شمس الله بخرته






لتحير شجرالك لا تلوم الروح
كل انسان شايل بالجفن علته

******

الله عليج انتقاء رائع وحروف وقصيدة اعجبتني كثيرا
شكرا لجميل ابداعك
تحياتي لكي

نبع المحبة قصيدة راقية في معانيها
جميلة في مضمونها
أنتقاء رائع اشكرك عليه
تقبل مروري

صح لسانك وتسلم شاعرنه السامر

شكرا لك نبع المحبه لما نقلت لنا من ابداع0

شكرا لكم على روعة

مروركم .. وجمال ردكم

مع خالص

ودي واحترامي لكم